LafaekNews-Ministériu Saúde(MS) liu husi Sentru Integradu Jestaun Krize-Sala Situasaun (SIJK-SS), informa, Durante fulan agustu nia laran totál ema ne’ebé mate ho Covid-19 hamutuk 38, rekuperadu 130, no atuál kazu ativu hamutuk 4.132.
Tuir koordenadór forsas tarefas ba prevensaun no mitigadaun surtu Covid-19, Rui Maria de Araújo, hateten, Ema ne’ebé mate ho covid-19 iha fulan agustu nia laran hamutuk 38, kompostu husi iha izolamentu Vera Kruz na’in 16, izolamentu Lahane 7, HNGV 7, Vikeke 2, Bobonaro 2, Ainaru 1, Baukau 1, Ermera 1 RAEOA 1, no ema mate ho covid-19 foun ohin na’in 2, no totál ema mate ho covid-19 hamutuk 82, no sira ne’e maioria ho moras sindroma insufisiénsia respiratória aguda (SIRA) tan bá Covid-19, no pasiente sira ne’e maioria ho idade 35 ba leten.
“Kazu rekuperadu ne’ebé ralata ohin hamutuk: 130, kazu ativu ohin hamutuk: 4.132, no totál kazu konfirmadu kumulativu iha 6 Setembru 2021 (sura husi 21 Marsu 2020): 17.698,”informa koordenadór forsas tarefas ba prevensaun no mitigadaun surtu covid-19, Rui Maria de Araújo, ne’e liu husi komunikadu imprensa, Segunda (6/09/2021).
Enkuantu Kazu detetatu foun ne’ebé relata iha loron 6 Setembru 2021: 80 (iha Dili 56, Baukau 12, RAEOA 10, Bobonaro 2, no husi total kazu detetadu foun ne’e: mane 35, feto 45, pasiente hirak ne’e ho idade 20:7 (23,3%), ho idade entre 12-59 nain 62 (77,5%), ho idade 60:11, husi kazu detetadu founne’e, 22 kazus ka 27,5% maka sintomátiku (hatudu sintomas), no kazu detetadu foun sira ne’e 14 (18%) iha ona vasina kompletu no 12 (15%) hetan ona vasina doze dahuluk,esplika Rui.
Jornalista : Sandi Belo
AsistenEditór :Egidio Nono
