Lafaek News—Vidio ho durasaun 47 (detik) ne’ebé espaila iha media sosial (Facebook) hatudu sidadaun Xinezas na’in rua ne’ebe halo negosiu iha Audian besik ho loja Jacinto baku malu tanba de’it hadaun malu fatin lixu
Akontesimentu ne’e mosu iha loron domingu parte lorokraik tuku 6 : 30 otl. iha Audian besik loja Jacinto tuan nian, tanba negosiante estranjeiru rua ne’e hadau malu fatin lixu.
Sidadaun Timor-oan ida ho naran, Cesar Moniz, informa ba lafaek news kronolojia husi akontesimentu ne’e, tanba sidadaun Xinezas na’in rua ne’e ida seluk lokaliza kedan lixu fatin iha trotoar leten hodi helik netik fali sidadaun Xineza ida nia sasán fa’an, ikus mai mosu haksesuk malu entre sira na’in rua nune’e Xineza ida ho nia altura tebes (serkel) lixu fatin namkari iha Estrada laran nune’e ema ida seluk ho nervozu as sira na’in rua konsege tula liman ba malu.
“Sira nia nain rua nia maluk Xina ninia staff timor-oan sira tenta interven más sira nain rua lakohi para, maibé ikus mai, senhora Timor-oan ida mak siak sira, foin sira nain rua hapara baku malu ne’e,” katak sasin sidadaun Timor-oan ne’e.
Akontesimentu ne’e hamosu komunidade Timor-oan sira hobur hodi haree Xinezas na’in rua ne’e nia baku malu, tanba hadau malu lixu fatin, komunidade Timor-oan sira haree no balun dehan Xinezas ho Xinezas mós bele baku malu, ikus mai ema na’in rua ne’e konsege hapara, tanba inan feton ida (Timor-oan) hakilar Xinezas na’in rua ne’e ho lian maka’as hodi dehan para ona kolega, maibé sidadaun Xineza ida hatais kalxa Jeans konsege tebe kona ida hatais kalxa Xokolate nia ain, maibe hakalma sira na’in rua husi Timor-oan no nia maluk Xinezas sira iha fatin akontesementu.
Jornalista : Acacio Pinto
Editora : Nelya Barros
