EKONOMIA · 22 Dec 2020 03:28 ·

Marcos Na’ok Tempu Husi Iliomar Ba Fa’an Manu-tolun Tasak Iha Lospalos


Marcos Na’ok Tempu Husi Iliomar Ba Fa’an Manu-tolun Tasak Iha Lospalos Perbesar

Lautém-(Lafaek News)—Kbiit laek nia oan Marcos Soares idade 12 husi postu administrativeu Iliomar, aproveita tempu ferias eskola nian hodi fa’an manu-tolun da’an too iha Lospalos Villa atu hetan osan sosa kadernu no lapis.

Marcos Soarers, fan hela Manu-tolu tasak iha Bemori Lospalos. Foto LN : Elidio Castro.

Kbiit laek oan ne’e, haktuir moris hanesan estudante ne’ebé mai husi povu bai-bain nia oan la’ós fasil atu halo estudu ne’ebé di’ak, maibé ho esforsu an rasik hodi estuda ho di’ak, simu servisu ne’ebé inan fó hanesan halo negósiu kiik fa’an manu tolun tasak nu’udar meius ida hodi hetan osan nune’e labele depende liu ba inan-aman.

Marcos Soares  estudu  iha banku Ensinu Báziku Sentrál Caidabou postu administrativu Iliomar Munisípiu Lautém, pasiénsia tenke mai pasa ferias iha vila Lospalos hodi fan mantolun dan sai tama bairu hodi buka netik osan sustenta nia eskola.

“Ha’u loron 6 ona iha Lospalos vila ha’u mai iha ha’u nia avo nia uma, antes ha’u mai iha vila ha’u nia mama entrega $10 mai ha’u atu mai pasa ferias iha ha’u nia avo nia uma, maibé ha’u sente osan ne’e la to  sosa ha’u nia nesesidade entaun ha’u uza osan ne’e hodi sosa manu-tolun nune fa’an no fa’an fali uza osan $10 ne’ebé ha’u nia mama fó mai ha’u hodi sosa kadernu, lapis, lapijera no sepatu ba eskola nia ropa,” haktuir estudante ne’e ba lafaek news iha Bemor Lospalos, tersa (22/12/2020)

Marcos dehan, razaun nia uza osan dolar 10 ne’e sosa material eskola la too, tan ne’e nia hanoin dezenvolve fali osan ne’e atu sai barak, nune’e nia deside sosa manu tolu matak da’an tasak tiha hodi fa’an fali atu nune’e antes eskola tama fali osan iha uitoan bele sosa fali sasán eskola nian lori fila ba Iliomar  hodi bele tuir fali eskola.

“Iha ha’u nia familia iha ami na’in 4 mane nain 3 feto ida, ha’u mak mane primeiru ha’u nia aman halo Toos de’it entaun ha’u uza tempu ferias hodi buka osan sustenta ha’u nia estudu,” estudante ne’e argumenta.

Manu Tolu ne’ebé Marcos sosa, nia avó feto maka da’an, hafoin tau tiha halo malirin enxe iha masa leba ba kabaas lori la’o tama sai bairru sira atu labarik sira seluk bele sosa bainhira gosta haan manu tolun da’an.

“Ha’u nia avo feto mak ajuda ha’u dan no ha’u mak lori la’o fan sai tama bairu kada mantolun rak ida ha’u sosa $4 no ha’u fan fali iha $6 kada rak ida entaun ha’u hetan $2 husi manu tolun rak ida, osan sira ne’e ha’u sei rai didik, Ha’u nia mehi hakarak sai ema boot maibé ha’u se esforsu nafatin no estuda makas hodi to mehi ne’ebé ha’u ne’e sai realidade,” Marcos reafirma.

Jornalista   : Elidio Castro

Editora       : Nelya Barros

1,328 Views
Artikel ini telah dibaca 127 kali

badge-check

Editor

Baca Lainnya

Kandidatus 42.464 Pasa Vaga Online Austrália

18 July 2024 - 09:15

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

Grupu Konservasaun Batar Lore 1 Halerik Ho Atake Peste Lakataro  

13 June 2024 - 17:22

Matan Halo Ha’u Lakon Esperansa ba Oan Sira nia Futuru

10 June 2024 - 21:32

Grupu Konservasaun Lenuk Bandu Komunidade Oho Animal Tasi

9 June 2024 - 23:36

Trending di LAUTÉM