Lafaek News—Sekretariu Jeral g7+ Helder da Costa, tersa (08/04/2025), hala’o diskusaun ho media nasional sira kona-ba preparasaun kobertura ba eventu reuniaun liña-interministeriál G7+ nian ne’ebé sei realiza iha loron 11 too 12 fulan Abril 2025 iha Centru Convensaun Dili ho nasaun 14 inklui Timor Leste.
Objetivu hosi reuniaun liña-ministerial ne’e atu halo revizaun ba progressu no alkansu ne’ebé atinje ona durante tinan 15, no konsolida nivel ministerial g7+ inklui trasa estratejia mata-dalan ruteiro ezisténsia g7+ iha mundu internasional.
“Reunian liña-ministerial ne’e nia intensaun atu halo revizaun ba progresu servisu sira ne’ebé atinje ona durante tinan 15 nune’e atu konsolida nivel ministerial g7+, trasa stratejia ruteiro ba ezistensia g7+ iha mundo,” SekJen G7+, Helder da Costa ba jornalista sira iha salaun sekretariadu g7+ Palasiu Governu Dili, tersa (04/08/2025).
Tuir nia, bainhira iha reuniaun liña-ministeriál ne’e sei toka video badak hosi Sekretariu Jerál Nasoens Unidas António Guterres ba públika, alen de ne’e, G7+ rasi sei produzvideo badak ba jornada ezisténsia G7+ ba tinan 15.
Iha okaziaun ne’e, Ministru Negósiu Estranjeirus no Kooperasaun, Bendito Freitas, haktuir nia parte konsudera reuniaun liña-ministeriál ne’e importánsia tebes, organizasaun inter-governamentál G7+ ne’ebé harii durante tinan 15 eziste ho papel atu hatudu ba mundu maske Timor Leste kiik, maibé liu hosi mekanizmu multilateralismu servisu hodi aprezenta ba mundu atu apoiu nasaun ne’ebé hasoru situasaun frazil, post konflitu no problema global ne’ebé sira hasoru.
“Organizasaun integovernamental ne’e funda tinan 15 ona husi Primeiro Ministro atuál Xanana Gusmão ho nia papel atu hatudu ba mundo liu hosi mekanismo servisu multilateralismu aprezenta Timor Leste ba mundo hodi apoiu nasaun sira ne’ebé hasoru situasaun frázil, post konflitu inklui problema global ne’ebé nasaun barak hasoru inklui Timor Leste,”Bendito Freitas reafirma.
Enkontro interministerial ne’e realiza sekretariado g7+ parseriu ho Ministériu Negósiu Estranjeirus no Kooperasaun Timor Leste no apoiu hosi Gabinete Vise-Primeiru Ministro, Francisco Kalbuadi Lay no enkontru liña-ministerial ne’e partisipa hosi nasaun hamutuk 14 kompostu hosi Afganistão, Burundi, Republika Sentral African, Chade, Costa do Marfim, Guine-Bissau, Haiti, Liberia, São Tome e Principe, Ilhas salomão, Serra-Leão, Somalia, no Sudão do Súl no Timor Leste.
Jornalista : Natalino C. Lopes/Crispin de J. Amaral
