Lafaek News—Sekertario Estadu kooperativas ( SEKoop) 09/04/2025, asina akordo ho movimentu kooperativas, asosisaun no fundasaun sira hamutuk 76 husi munisipio 13 inklui Rejiaun Administrativa Espesial Oe-Cusse Ambeno (RAEOA ne’ebe sei hetan benefisiariu ba orsamentu hosi transferénsia publika 2025 nian.
SEKoop Arsénio Pereira da Silva husu benefisiáriu sira atu jere osan ne’e ho didi’ak, tanba orsamentu Jerál Estadu tinan 2025 nian SEKoop sei halo transferensia publika ne’ebé apoiu diretamente ba benefisariu sira, SEKOOP mós rekoñese iha limitasaun iha prosesu halo verifikasaun ho monitorizasaun ba benefisiariu hirak ne’ebe hakarak halo atividade fila liman.
“Ita ne’ebé sai jestor ba ezekuta Orsamentu Jeral Estadu tenke jere duni ho di’ak, ne’ebé prosesu sira hanesan auditorial internasional rezultadu Pre-elimináriu ho rekomendasaun ne’ebé iha, depois rekomendasaun ne’ebé iha agora da-daun ho prosesu sira ne’e, kuandu Orsamentu Jeral Estadu ne’ebé aprova iha Parlamentu Nasional no promulga husi Prezidente Republika,” SeKoop Arsenio Pereira da Silva sublina.
Arsénio esplika, planu SEKoop nian sei halo mudansa tuir seklu ezekusaun orsamento ba benefisiárius sira iha etapa daruak tuir rekezitus ne’ebe iha no bazeia ba dekretu hosi osan ne’e rasik nune’e benefisiáriu sira bele komprende antes hatama proposta ba SEKoop.
Iha fatin hanesan, Mariano Gomes nudar Prezidente Grupo Federasaun Kooperativas munisípiu Vikeke haktuir total orsamentu ne’ebé sira sei hetan ho montante 7.000 hodi halo ezekusaun ba administrasaun kooperativa ne’ebé sira iha no refere liu atu halo mudansa ba kooperativa 4 ne’ebé uluk hetan instalasaun hosi NGO ALDAN
“Kada Grupu ami hetan osan ho montante 7.000, ami parte husi federasaun foun husi Vikeke atu halo ezekusaun ba iha administrasaun ne’e rasik ami ho kooparativa ne’e rasik ho nia kréditu, maibé ami nia atividade ne’e halai liu ba iha kooperativa 4 ne’ebe uluk instala husi ONG ALDAN nian’ ne’ebe reforma mai iha kooparativa ,” nia esklarese.
Entretanto total orsamentu subvensaun kategoria transferensia publikanian ba SEKoop tinan 2025 hamutuk 1.850 Mill, no kompotente husi porposta hamutuk 156 hodi akumula orsamentu ba SeKoop hamutuk 10 miloens resin.
Jornalista Magan : Natalia de Jesus
