Lafaek News—Sekretaria Estado Komunikasaun Sosial ( SEKOMS ), Expedito Dias Ximenes (07/04/2025 hala’o enkontru ho ofisial media liña-Ministeriais ko’alia kona-ba programa implementasaun Sistema Deziminasaun Informasaun atu hafasil sistema implementasaun informasaun.
Haktuir programa IX, Guverno konstitusional destaka setor komunikasaun sosial nu’udar ai-rin fundamental iha konstrusaun no dezenvolvementu, estadu demokrátika ida iha estadu direitu nia okos, SEKOMS atu propoin no dezenvolve polítika sira ne’ebe iha ho setor sira halo publisidade ba asaun guverno nian , fiskaliza media estadu nian diversifika no hametin media, apoiu no enkoraja inisiativa husi media no asosisaun jornalista sira nian
“Planu asaun anual tinan 2025, kabe ba servisu Diresaun Nasional Deziminasaun Informasaun, atividade koordenasaun ho ofisial media hotu sub-programa, deziminasaun informasaun no publika programa ” dezenvolve sistema, komunikasaun institusional guverno ne’ebe konsagra ona iha livru planu estratejia SEKOMS/ PES 2024-2028, nu’udar nai’n hodi defini servisu sira ho efesiensia,” Expedito Dias Ximenes ba jornalista sira iha MNEK.
Tan ne’e, DNDI se’i organiza sorumutu ho ofisiais media liña-ministeriais ho objetivu atu apoiu pontu-fokal komunikasaun sosial ou ofisial media governu nian hotu atu bele partilla informasaun atividade sira ne’e be hala’o ona durante ne’e iha kada instituisaun no oinsá divulga informasaun sira ne’e ba publiku ho kredivel.
Governante ne’e esplika, ko’alia kona-ba Sistema Deziminasaun Informasaun (SDI) ho objetivu atu hadi’ak servisu no transformasaun informasaun ba públiku liu husi meius dijitál ba liña-ministerial sira hotu.
“Sistema (SDI-red) ne’e rasik atu fasilita halo komunikasaun ne’ebe fasil liu entre media ofisiais husi liña-ministeriais sira no sistema ne’e ita bele halo audénsia liu husi sistema depois ba iha media imprensa sira depois kona-ba programa sira kada ministéru sira partilla ba públiku ho fasil liu hosi sistema ne’e Rasik,”SEKOMS Expedito relata.
Entretanto ba oin SECOMS sei nafatin koordena ho TIK-Timor kona-ba programa SDI, nune’e bele fasil liután hodi fasilita liña hotu iha sistema inplementasaun informasaun.
Jornalista Magan : Natalia de Jesus
