Lafaek News—Autoridade Protesaun Sivil (APC-sigla Portigés), iha semana rua ne’e fulan Marsu 2025 rejista kazu dezastre naturais iha munisípiu 6 uma kain hamutuk 54
Dezastre naturais ne’ebé akontese iha loron 24 too loron 31 liu-liu iha munisípiu hanesan Baucau, Bobonaro, Likisá, Oe-Cusse no Vikeke, inklui kauza hosi inundasaun estraga uma kain hamutuk 49, maibé hetan kedan intervensaun urjénsia hosi Autoridade Protesaun Sivil.
“Ita hahu husi loron 24 too loron 31, durante semana Ida ne’e iha razaun Timor Leste, APC rejista kazu iha munisípiu Baucau ahi han uma 1, Bobonaro ahi han uma 1, munisípiu Likisá anin sobu uma 2, RAEOA anin sobu uma 2 no inundasaun estragus uma hamutuk 46 no ahi han uma ida inklui kanek ida, no mate ida munisípiu Vikeke anin sobu uma 1, ba rejiaun sira ne’e hotu APS, halo kedas pakote emerjénsia ba vítima sira durante dezastre akontese,” Xefe Seksaun Externa Autoridade Protesaun Sivil, Nelson Nunes de Orleans ba Jornalista sira iha salaun APC kaikoli Dili 07/04/2025.
“Iha loron 31 fulan Marsu to loron 7 Abril tinan ne’e, semana ida ne’e rejiaun Timor Leste normal, akontese tipu dezastre ne’ebe APC rejista hanesan anin bo’ot iha munisípiu Baucau sobu uma 1, Bobonaro anin sobu uma 1, ahi han uma 1 ho mate 1, munisípiu Lautem ahi han uma 2, munisípiu Likisá Anin sobu uma 1 ahi han uma 1 no Oe-Cusse anin sobu uma 1 no be sae estraga uma 9, Vikeke anin sobu uma 1, ahi han uma 1, ida ne’e mos parte autoridade protesaun sivil halo kedas pakote emerjénsia ba Vítima sira ne’ebe hetan dezastre naturais ne’e ” Nia hateten
Total uma ne’ebe Autoridade Protesaun Sivil rejista iha semana 2 ne’e hamutuk 54 husi munisípiu 6 no husi uma kain 44 hetan ona ajudus husi Autoridade protesaun sivil.
Jornalista Maria Jose//Ezequiel Freitas
