LAFAEK NEWS–Sekretaria Estadu Formasaun Professional no Empregu (SEFOPE) liu husi Diresaun Nasional Empregu Exterior (DNEE), Filomeno Soares, informa iha Preliminary Training ba joven Timor oan atus rua, tolu nulu resin ida (231), preparadu ba servisu iha Korea do Sul iha área Peska no fábrika,
“Husu ba joven sira ne’ebé atu ba servisu iha Korea do Sul, imi tenki kumpri dezisaun hotu ne’ebé iha tuir lei haruka,” katak DNEE, Filomeno Soares ba Jornalista sira iha salaun Igreja Bekora, foin lalais.
Nia dehan husi númeru 231 ne’e sira ne’ebé sei servisu iha peskas hamutuk na’in atus rua (200) no fabrika tolu nulu resin inklui feto ida (31), tan ne’e husu ba joven sira ne’ebé ne’e prepara saúde di’ak, molok aranka husi Timor-Leste ba Korea do Sul.
“Husu ba imi hotu tenki iha hanoin ida katak, ami ba servisu hodi rekupera ekonomia familia uma laran nomós bele kontribui ba dezenvolvimentu rai doben Timor-Leste, nune’e mós imi bele harii rasik negósiu iha munisípiu ida-idak, atu nune’e imi bele jere di’ak negósiu ne’ebé imi iha kontribui ba desenvolvimentu Timor-Leste. Filomeno akresenta.
Diretor DNEE husu traballador sira labele ho hanoin ida katak, ba servisu iha ema nia rain moris di’ak ona, haluha tiha fen ho oan iha rai Timor, Evita hahalok hirak ne’e molok ba servisu iha ema nia rain, tanba objetivu fundamental ba servisu iha nasaun seluk atu halo mudansa ekonomia iha familia.
“Se imi hanoin nune’e loron ida natureza sei hatudu ba ita bo’ot sira, tanba imi la kontribui ba saida mak ita nia governu sira hasai osan hodi haruka ita bo’ot sira ba, tan ne’e husu ba imi nain atus rua, tolu nulu resin ida (231), ne’ebé mai husi area rua hanesan peskas no fábrika, imi nain hirak ne’e sé la kontribui ba dezisaun ne’ebé governu haruka imi ba loron ida natureza sei hatudu ba imi,” nia rekomenda.
Diretor Diresaun Externa SEFOPE ne’e katak lista ne’ebe SEFOPE simu husi Ministériu Traballador Korea atu bele orienta primeiru sira tenke teste saúde iha hospital e depois sira liu ona iha teste saúde sei halo aplikasaun ba iha bom komportamentu no bom komportamentu remata sira bele aplika fali ba iha visa servisu ba Korea ninian ida ne’e mak agora dadaun ita prepara hela,” nia hakotu.
Estajiadu: Crispin Amaral
Editor : Agapito de Deus
