Lafaek News— Seekretáriu Estadu Formasaun Profesional no Empregu Rogério Araújo Mendonça ho Embaixada Austrália iha Timor-Leste, embaixador Caitlin Wilson, ofisialmente lansa projetu PLMSP SCALE-UP iha Timor-Leste ba dezenvolvimentu abilidade.
Rogério Araújo Mendonça hatete lansamentu projetu PLM SP ne’e ko’alia mos kona-ba abilidade no kompetensia traballadór sira ne’ebé prepara atu ba servisu iha rai-liur.
“Lansamentu ba projetu PLM SP Scale-up iha Timor-Leste hodi apoiu programa PAM Pasifik Austrália Re-mobility husi lansamentu ne’e atu hatete katak importante tebes bele dezenvolve ita nia abilidade no kompeténsia ba traballadór sira ne’ebé prepara atu ba servisu iha rai liur, Ita haree iha tinan barak joven sira ne’ebé ba servisu iha Austrália no Korea ho sira nia abilidade no kompeténsia ne’ebé menus tebes,” Rogério ba jornalista sira hafoin lansamentu projetu ne’e iha Timor plaza, sesta 22/08/2025.
Rogério Araújo Mendonça, haktuir SEFOPE presiza prepara traballadó sira ho di’ak, razaun iha merkadu Austrália presija ema ne’ebe kuliadade di’ak hodi servisu.
Iha fatin hanesan Embaixadór Caitlin Wilson haktuir senti orgullu no agradese tebes tanba PLM SP bele aumenta buras iha Timor-Leste, ida ne’e meius ida atu hamtein nafatin relasaun entre rai rua ne’e hodi loke oportunidade ba joven sira bele ba kontinua servisu.
“Lansamentu ofisial foun atu hasa’e abilidade no mos suporta ba familia iha abilidade laboral Timor Leste, reprezentate governu Austrália nian ha’u agradese tebes atu harii no atu haree oportunidade iha PLM SP ne’ebé aumenta buras iha Timor-Leste,” embaixador Austrália ne’e sublina.
Wilson afirma, abilidade laboral ne’e atu haburas ekonomi Timor-Leste no masimiza benifisiu sosial ba povu Timor.
“Ezijénsia traballadór sira preparadu ho di’ak komete iha Austrália PLM Skin oferese win-win solution liu husi komite traballu Timor-Oan sira atu kontribui ho signifikativu ba merkadu traballu Austrália nian ba Timor-Leste ida ne’e lori oportunidade ba komete balon de ouru liu husi osan no abilidade atu haburas ekonomia Timor,” embaizador ne’e hakotu lia.
Jornalista Trifonio M. de Araújo/Moises Guterres
