Lafaek News—XI Governu Konstituisional liu husi Sekretaria Estadu Formasaun Profisional Empregu, kinta 21/08/2025, ofisialmente selebra akordu ho governu Nova Zelandia atu haruka Timor oan ba servisu.
Sekretaria Estadu Formasaun Profisional Empregu, Rogério Araújo Mendonça esplika, SEFOPE marka tan istória foun ida iha Timor-Leste, liliu iha programa mobilidade laborál ne’ebe asina ona husi parte SEFOPE ho Governu Nova-Zelándia ba iha programa RSC.
“Ohin ita asina ona MoU ami ohin halo ona diskusaun ho ekipa tékniku sira hotu dia 8 Setembro hahú ona loke rekrutamentu ba joven sira neebe mak atu ba servisu iha Nova Zelandia, númeru nee hau hanoin labele publika lai no labele pronúnsia uluk lai, fiar katak empregador sira neebe presiza ita nia trabalhador sira atu ba servisu depois loke tia vaga husi empregador sira neebe mak mai ona iha ita nia rai ita bele hatene katak sira presisa ema ho kuantidade hira”,Dehan sekretaria estdau Profisional Empregu Rogeiro Araujo Mendonca ba jornalista sira iha salaun enkotru kaikoli Quinta 21/08/2025.
SEFOPE Rogério haktuir, koperasaun primeiru ba iha area rua ida mak hortikultura no fitinkultura, ne’e faze ida primeiru ne’ebe SEFOPE halo kooperasaun ba asina MoU.
“Ha’u hanoin kompania halo ona vizita traballu kompania ne’e barak tebes, maibé ita boot sira hein katak fulan Setembru ka Outubro sira sei halo rekrutamentu ho ida nee mak ami bele hatete katak total kompania hira mak atu halo rekrutamentu ba joven sira atu ba servisu iha Nova Zelandia, Ha’u hanoin katak kriteria nee nia la diferensia ho Australia nian ninia kriteria hotu hotu nee hanesan maibe hau hanoin ita presisa mak kriteria ida neebe mak importante liu mak atu trabalhador ba servisu nee mak presisa hatene lingua Inglés,” governante ne’e afirma.
Rogério esklarese, prosesu atu ba servisu iha Nova-Zelándia. Ba duhuluk sei estabelese vaga online, ho razaun tempu badak ona, tan ne’e Timor oan sira sei aplika liu hosi online.
“Ha’u hanoin tempu fulan ida fulan 2 hodi pilotu primeiru ne’e difisil tebes, tan ne’e ami ho ekipa tekniku sira hola ona desizaun katak faze dahuluk ita sei halo rekrutamentu online depois iha 2026 espera katak loke mos vaga ho manual, tanba ita hatene katak ita nia joven sira ne’ebe barak iha munisípiu balun la kaer telfone android seidauk iha email sira ne’e ho diak hodi bele aplika vaga ne’e entaun iha 2026 mak ita bele uza fila-fali meius ho metodu ne’ebé mak hau hatete da-daun ne’e,” SEFOPE Rogério relata.
Iha fatin hanesan Embaixadora Nova-Zelándia iha Timor-Leste Helen Tunnah, iha diskursu hateten, akordu ida ne’e hanesan loron neʼebé pozitivu tebes ba relasaun entre Timor-Leste no Nova-Zelándia no asinatura akordu entre ajénsia ne’e hanesan pasu tuir mai ba programa foun mobilidade laboral entre nasaun rua ne’e.
“Ami-nia governu konkorda ona iha tinan kotuk atu inklui Timor-Leste iha ami-nia programa mobilidade laboral Ida ne’e sei apoia nasaun rua,Ida ne’e sei ajuda empregadór Nova Zelandia sira atu hetan traballador di’ak sira husi ne’e No sei tulun atu suporta rendimentu ba povu Timor-Leste no desenvolvimentu abilidade serbisu nian.
Embaixadora ne’e reafirma katak, akordu ida ne’e hanesan parte ida husi kompromisu jerál ba dezenvolvimentu nasaun Timor Leste ba foin-sa’e sira atu apoiu ba edukasaun ida importnante.
Jornalista : Moises Guterres / Trifonio Martins
