Lafaek News— Relasiona ho kazu posetivu Covid-19 ne’ebé mak públika iha media sosial (Facebook ho WhatsApp) katak estudante ida iha eskola Sekundadaria Likisa ho Funsionariu Obras Públika ne’ebé dehan positivu Covid-19 ne’e, informasaun sira ne’e lalos.
Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria Araujo, informa ba públiku tomak katak, informasau ne’ebé loron rua nia laran sirkula sai iha media sosial, kona ba estudante iha Likisa no mós funsionariu Obras Públikas ne’ebé dehan katak pozitivu.
“Informasaun hirak ne’e hotu la lo’os, ha’u husu ba populasaun tomak atu rona, no fiar deit maka informasaun ne’ebé Governu fo sai liu husi Sentru Integradu Jestaun Krije, Sala Situasaun ( SIJK,SS),” dehan KFTPMS-Covid-19, Rui Maria Araujo, liu husi konferensia imprensa SIJK, Ccd, sabadu, (27/02/2021).
Nune’e korredenadór apela mós ba populasaun Timor-Leste tomak, atu nafatin matan moris neon na’in, pratika nafatin medida sira ne’ebé ita hotu hatene ona hanesan, uza Maskra, fase liman bebeik ho sabaun ka dezinfetante ruma, wainhira kumprimenta malu la presija kaer liman, bensa liman, rei malu ka hakuak malu, evita halibur malu barak, hamrik ka tur dok husi ema seluk, minimu metru ida ho balun.
Jornaliata : Sandi Belo
Asisten Editór : Pedro de Almeida
