SAÚDE · 27 Feb 2021 04:16 ·

Kazu Transmisaun Lokál Fatumea Da’et Ona ba Tilomar Positivu Covid-19 Nain 1


Kazu Transmisaun Lokál Fatumea Da’et Ona ba Tilomar Positivu Covid-19 Nain 1 Perbesar

Lafaek News—Kazu transmisaun lokál ne’ebé akontese iha postu-administrativu Fatumea, suku Belulik Leten, aldeia Klauhalek hahu nain ida da’et ona ba iha postu-administrativu Tilomar, suku Maudemu, aldeia Onu-laran ne’ebé detekta nain ida (1) positivu Covid-19.

Kordenador Forsa Tarefa ba Prevensaun no Mitigasaun Surtu Covid-19, Rui Maria Araujo, informa, iha Loron 25 to’o 26 Fevereiro 2021, ekipa konjunta vijilansia epidemolojika no laboratoriu, kontinua halo rastreiu iha aldeia Klauhalek, suku Belulik leten, postu administrativu Fatumea, munisípiu Covalima, no rekolla tan amostra husi ema ne’ebé kontaktu besik ho kazu primariu Klauhalek.

“Prosesu rastreiu ba kontaktu besik ho kazu primeiru Klauhalek horseik, hetan informasaun adisionál katak kazu primariu Klauhalek halo mós kontaktu ho ninia belun balu iha Tilomar, hafoin buka tuir, ekipa hetan duni sira, hafoin halo analiza laboratoriu, hetan rezultadu pozitivu ida (1),” esplika KFTPMS-Covid-19, Rui Maria Araujo, liu husi konferensia imprensa SIJK, Ccd, sabadu, (27/02/2021).

Koordenadór esplika, kazu konfirmadu foun ida ne’e, mane ho tinan 42, servisu nu’udar estensionista, hela iha aldeia Onu-laran, suku Maudemu, postu administrativu Tilomar, halo kontaktu ho Kazu Primariu Klauhalek entre loron 11 ho 13 Fevereiru 2021.

Nia hatutan, kazu konfirmadu foun ne’e informa katak, nia seidauk halo viajen sai husi Covalima, maibé iha kontestu hala’o ninia kna’ar nu’udar estensionista, nia halo kontaktu ho kolega servisu, ho mós superior ierarkiku iha servisu munisípal agrikultura Covalima, inklui mós ho populasaun balun iha Tilomar no Fatumea.

“Kazu foun ida ne’e hamosu indikasaun katak transmisaun lokal iha agrupamentu/cluster Klauhalek, nakdae’et tutan, ka espalla ona to’o aldeia Onu-laran, suku Maudemu, Tilomar, no iha mós posibilidade nakdae’et ka espalla ona iha Suai Vila, ho fatin seluk tan iha Covalima nia laran,” dehan nia.

Kordenador ne’e dehan, ekipa konjunta husi vizilansia epidemolojika nivel nasionál, laboratoriu nasionál saúde, servisu munisípal saúde hamutuk ho autoridade administrativa Covalima, ne’ebé integra iha unidade territorial sentru integradu jestaun krije, sala situasaun (SIJK, SS), Munisípiu Covalima nian, oras ne’e dadaun hatun ekipa 4, hodi buka tuir ona ema hotu ne’ebé halo kontaktu besik ho kazu foun ida ne’e.

Nune’e mós, apela ba populasaun iha Salele, Suai vila no iha Covalima nia laran tomak, atu la bele paniku, favor tu’ur hakmatek iha ida-idak nia fatin, lalika la’o ba mai lai, fó tempu atu ekipa saúde ho ekipa konjunta unidade territoral sentru Integradu Jestaun Krije (SIJK), munisípiu Covalima, buka tuir kontaktu sira hotu, no foti tan amóstra hodi halo teste.

Jornaliata        : Sandi Belo
Asisten Editór : Pedro de Almeida

1,630 Views
Artikel ini telah dibaca 25 kali

badge-check

Editor

Baca Lainnya

MS Asina MoU ho Universidade Tazmania Atu Hakotu Mortalidade Maternal iha TL  

22 September 2023 - 15:27

CVTL Liu Husi Banku de Sangue  Hala’o Atividade Doasaun Ran Iha Fundasaun PAX

31 August 2023 - 14:08

MAP-MS Ameasa Virus Rabies Sei La Tama TL “Labele Pániku”  

2 June 2023 - 15:04

Pasientes HNGV 200 Resin La Ezerse Direitu Votus

21 May 2023 - 15:20

“Merese” Kondekora Médiku Cubanu 71

9 May 2023 - 12:31

Komunidade Berkoli Simu Tratamentu Matan Husi Klibur  Profisional Partidu CNRT

3 April 2023 - 17:09

Trending di SAÚDE