Lafaek News—Eleisaun órgaun suku ba tinan ne’e iha munisípiu Aileu, postu administrativu Aileu-Vila, suku Seloi Malere, Sabadu 28/10/2023, iha ne’ebé kandidatu na’in 7 ne’ebé mak kompete iha eleisaun orgaun suku la iha ida mak sai vensedór, tanba ne’e lori povu hakat ba segundu ronde husi kandidatura na’in 2 mak sei kompete hodi determina sé loos mak sai vensedór iha eleisaun orgaun suku ne’e rasik.

Tuir kandidatura ne’ebé hakat ba segundu volta iha suku Seloi Malere, Valenti Matos hatete katak, nia parte agradese ba votantes sira hotu iha suku Seloi Malere, munisípiu Aileu hodi fó konfiansa ba nia, maske iha eleisaun orgaun suku ne’e rasik la iha ema ida mak sai vensedór iha primeiru fase, tanba ne’e sei lori povu hakat fila fali ba segundu volta, husi votus ne’ebé ita hetan sai hanesan baze fundamental ida katak, ita bele ultrapasa ka hakat liu bareira iha segundu volta. Valenti afirma.

“Husi kandidatura na’in hitu ne’ebé kompete iha eleisaun orgaun suku iha suku Seloi Malere, munisipiu Aileu, la iha kandidatura ida mak sai vensedór iha eleisaun refere, tanba ne’e husi númeru kandidatura na’in 7 ne’e rasik, iha na’in 5 sei la ultrapasa, maibé na’in 2 sei hakat ba segundu ronde ho votus ne’ebé hanesan, husi kandidatura na’in 2 ne’ebé hakat ba segundu volta hanesan kandidatura Valenti Matos ho votus 624 no kandidatura Antonia dos Santos Loco ho votus 603, husi votus ne’ebé kandidatura na’in 2 hetan la hatudu persentajen ka liu bareira hodi hakat ba re-eleito ba xefi suku iha periodu 2023 to’o 20230, tanba ne’e sei lori povu hakat fila fali ba segundu volta”. Valenti Matos haktuir.

Nia dehan, husi votus ne’ebé mak nia hetan husi povu sai hanesan baze fundamental ida ba ita nia esperansa, tanba ita garante katak husi kandidatura na’in 7 ne’ebé mak kompete iha eleisaun orgaun suku iha votus ne’ebé mak hetan husi povu, husi votus ne’ebé mak iha ita garante katak ita sei pasa iha segundu volta, tanba mai ho politika ida katak 50+1 mak foin hakat liu bareira, ho ida ne’e mak prejudika hela ida ba nia komunidade sira ohin loron.

“Valenti Matos, dehan, hanesan sidadaun ne’ebé iha suku ida ne’e, hakarak ka lakohi ita tenki eserse ita nia direitu liuhusi votus ne’ebé mak ita fó, tanba ne’e ita garante katak ho saida mak ita iha liuhusi vizaun, misaun programa no asaun sira ne’ebé mak ita iha, husi parte hirak ne’e mak sai hanesan baze fundamental ida ba ita hodi gaiña fila fali nia apoiantes sira ne’ebé mak bele fó fila votus mai ita iha segundu ronde”. Kandidatura Valenti Matos konta.

Valenti Matos, garante katak iha segundu volta nia sei ultrapasa ka hakat liu bareira, tanba ita haree katak ho votus ne’ebé nia iha sei garante hodi re-eleito ba xefi suku Seloi Malere, periodu 2023 to’o 2030, tanba ita hatene katak votus ne’ebé ita hetan husi povu signifika katak povu hakarak duni ita tenki ba, tanba sai lideransa suku tenki mai lideransa ida ne’ebé ideal, inovativu no kriativu, atu nune’e dudu ita nia desenvolvimentu ba komunidade sira, husi asaun hirak ne’e mak ita espeta katak ba segundu volta ita bele pasa.

Sorin seluk kandidatura Antonio dos Santos Loco, afirma katak, iha eleisaun orgaun suku iha Seloi Malere la iha kandidatura ida mak manan maioria absoluta iha primeiru fase, tanba ne’e hakat ba segundu volta ho kandidatura nai’in 2 mak sei kompete, tanba ne’e nia parte garante katak iha segundu volta sei manan maioria absoluta tuir porsentagem ne’ebé iha.

“Nia deklara katak, bainhira mehi atu kandidata-an ba xefi suku Seloi Malere, munisipiu Aileu, ho prinsipiu ida katak, hakarak ka lakohi tenki manan, maibé realidade husi votasaun hatudu katak la iha kandidatura ida mak hakat liu bareira iha primeira fase, tanba ne’e fila fali ba segundu volta ho kandidatura ne’ebé ho votus 624 hodi kompete ho kandidatura ho votus 603, husi resultadu rua ne’e hatudu katak la to’o persentagem ne’ebé tuir politika katak kada kandidatura ida sei hetan votus ho persentagem 50+1, tanba ne’e hakat fila fali ba segundu volta liuhusi desizaun apuramentu ne’ebé hatete katak, ami na’in 2 mak hakat ba segundu volta, tanba ne’e hanesan kandidatura ba suku Seloi Malere iha komitmentu no fiar-an sei manan iha segundu volta”. Dehn kandidatura Antonio dos Santos Loco, iha sede suku Seloi Malere.

Nia hatutan, husu ba votantes hotu iha suku Seloi Malere, ne’ebé kompostu husi Aldeia 6, vota ba jerasaun foun hodi harii suku ida ne’ebé solidu, inklusivu no justu, tanba refleta ba ita nia moto katak, “hut la hutun id, boa la boan ida” signifika katak ita tenki forsa hodi sai ida deit, husi ida ne’e mak ita servisu hamutuk atu responde ba ezizensia suku nian, tanba ne’e tempu to’o ona hili jerasaun ne’ebé diak hodi lidera suku Seloi Malere iha tinan hitu nia laran. Antonio Loco haktuir.

“Antonio Loco konta katak, maioria votantes iha suku Seloi Malere ne’ebé kompostu husi Aldeia 6 hamutuk 2761, husi númeru votantes hirak ne’e, ema ne’ebé vota Nulu 66, Branku 15, votus Invalidu 232, tanba ne’e ita fiar katak iha eleisaun orgaun suku ba segundu volta nian, ita garante katak buat hotu lao diak liu kompara ho eleisaun orgaun suku primeira fase nian”. Nia hakotu.

Entretantu, kandidatura na’in 4 ne’ebé mak konkonre iha eleisaun orgaun suku Daudere, postu administrativu Lautem munisipiu Lautem,  laiha ida mak manan maioria, Domingu(29/10/2023), iha ne’ebé ho rezultadu ida ne’e lori kandidatura na’in 2  avansa ba ronde daruak.

Kandidatura na’in rua ne’ebe mak hakat ba segundu ronde ne’e mak hanesan, Agito Boavida ho nia votus 582 no Aderito Morais votus 376, tanbá laiha ema ida maka bele liu pursentu 50%+1, nune’e mós ho na’in 2 seluk ne’ebé mak la konsege pasa ba ronde daruak mak hanesan Aleixo Horacio ho nia votus 224 no feto potensiál Davida Noronha da Costa ho nia votus 22.

Tuir kandidatura segundu mais votadu nomós nu’udar xefe suku atuál Adérito Morais ba Lafaek News katak, Molok hahú kontajen ba rezultadu apuramentu ne’e hakarak hato’o agradese ba joven no inan-aman iha suku Daudere katak elisaun ida ne’e kompetetivu no elisaun ida ne’ebé mak maka’as tebes ho nia polítika rasik.

“Eleisaun ida ne’e eleisaun ida ne’ebé kompetetivu no eleisaun ida ne’ebé maka’as tebe-tebes ema hotu-hotu iha direitu no iha responsabilidade ho forsa polítika atu aprezenta nia aan mai iha orgaun suku, forsa politika ida ne’ebé mak bo’ot no se mak maka’as nia mak sei sai vensedor no ida ne’ebé mak lakon sei hein ba tinan 7 tuir mai tan, importante ida mak manan ka lakon ne’e kestaun ketak importante mak hakarak iha vontade para atu kompete nafatin, “Aderito dehan.

Nia akresenta tan, Kadeira xefe suku ne’ebé dadauk asume ne’e la permanente ba ema ida nian maibé ba povu Daudere tomak.

Entretantu totál elitores iha suku Daudere hamutuk 1398, totál elitores ne’ebe tuir votasaun hamutuk 1235 no la tuir elisaun hamutuk 163.

 Jornalista  : Crispin de J. Aamaral/Arnaldo Nunes

Editor       : Paulo Collo