NOTÍSIA JERÁL · 29 Oct 2023 09:06 ·

Kamea : Votantes Hakat Polisia Line Ezerse Direitu de Votu, Kandidatu Rua Avansa Ronde II


Kamea : Votantes Hakat Polisia Line Ezerse Direitu de Votu, Kandidatu Rua Avansa Ronde II Perbesar

 Lafaek News- Kandidatura xefe suku Kamea, postu administrativu Cristo Rei munisípiu Díli, João Miguel lamenta tebes ho regra eleisaun suku ninian tanbá oras taka ona iha tuku 3 lorokraik maibé abitante balun sei hakat nafatin Polísia line  hodi tama ba sentru votasaun laran hodi ezerse direitu.

Rezultadu final eleisaun husi Suku Kamea Dili. (28/11/2023)

“Prosesu eleisaun la’o normál maibé ha’u ladun satisfeitu ho oras ida ne’ebé mak atu taka ne’e, tanbá iha sentru votasaun Aldeia has Laran suku Kamea postu Kristu Rei ninian tanbá husi ha’u nia ekipa susesu iha Eskola Filial has laran ne’e kumpri duni oras taka ninian iha tuku 3 lorokraik ne’e taka duni ona maibé iha sentru votasaun seluk sei la’o hela no abitante balun hakat nafatin Polísia line ninian ba sentru votasaun laran iha oras ne’ebé maka taka, ida ne’e maka ha’u ladún satisfeitu tebes,” Joao dehan.

Nia parte konkorda tebes orientasaun ne’ebé maka mai husi STAE ninian katak oras tuku 3:00 lorokraik tenke taka ona kuandu abitante ne’ebé maka iha liur Polísia line ninian labele tama ona maibé tanbá sa maka iha sentru votasaun balun tuku 5 ona mos ema sei movimentu no sei nafatin hakat liu Polísia line ninian hodi tama, entaun kuandu sei hanesan ne’e signifika orientasaun ne’e lahanesan.

“Ida ne’e maka lamentasaun husi ha’u para bele hadi’a buat ida ne’e nune’e labele sai dúvida ba públiku ho orientasaun ne’ebé maka iha, katak tuku 3 lorokraik kuandu taka tenke taka ona labele husik abitante tama liu Polísia line tuir nia hakarak,” katak nia.

Iha sorin seluk responsabilidade ka monitoriza ba apoiu sentru votasaun suku Kamea ninian Aleixo Pinto argumenta tan katak, orientasaun ne’ebé maka mai husi STAE ninian katak bazeia ba oras eleisaun orgaun suku ninian hahú husi tuku 9 dader to’o tuku 3 lorokraik tenke taka duni kuandu liu ida ne’e maka abitante balun sei iha liur husi Polísia line ninian labele tama ona.

“Bazeia ba orientasaun husi STAE nian katak oras ba Eleisaun orgaun suku ninian iha tuku 3 lorokraik ne’e katak oras taka nian duni, ba sira ne’ebé maka iha liña laran ne’e iha direitu atu bele vota maibé sira ne’ebé maka iha liña li’ur ne’ebé labele duni iha direitu atu bele tama tanbá tenke kumpri oras ne’e maka orientasaun mai husi STAE ninian, maibé ba kuandu oras ne’ebé maka taka ona maka abitante balun hakat liu Polísia line hodi tama entaun hanesan kandidatu sira hare’e no lamentavel sira iha direitu atu halo reklamasaun ba meza hodi responsabiliza aktu sira ne’e,” hakotu nia.

Jornalista: Paulo Collo

 Editor        : Agapito de Deus

74 Views
Artikel ini telah dibaca 41 kali

Baca Lainnya

Rogério Husu Ukun na’in Sira Rezolve Dezenvolvimentu ba TL  

29 November 2023 - 12:13

Abilio Dalas : Istoria Jerasaun 75 Hanesan Edukasaun ba Jerasaun Foun

27 November 2023 - 17:15

Horta Inaugura Pixina Modernu Prezente Husi Governu Xina

25 November 2023 - 09:19

Parlamentu Nasional Aprova Pedidu PR viazen ba Raí Liur

22 November 2023 - 09:45

PAMD Observa Sentru Votasaun Lenuk-Hun

13 November 2023 - 17:58

Assanami : Laiha Ema Ida Satan Netik Ema Nia Liberdade  

12 November 2023 - 15:13

Trending di NOTÍSIA JERÁL