Lafaek News- XefE Estadu -Maiór-Jeneral FALINTIL–Forsas Defeza Timor-Leste( F-FDTL), Tenente-Jeneral, Falur Rate Laek, informa kona-ba rekrutamentu membru forsas armadas foun iha fulan Abril oin kontinua selesaun 2400 ne’ebé apura ona liu 70.
Xefe Estadu Maiór Jeneral Falintil Forsas DefezaTimor-Leste( F-FDTL), Tenente-Jeneral, Falur Rate Laek hatoo asuntu ne’e hafoin remata enkontru semanal ho Xefi Estadu Francisco Guterres Lú Olo iha Palasíu presidente kuarta (23/02/22).
Rekrutamentu ne’e halo tiha ona, ne’ebé hatutan de’it buat ne’ebé prosesu uluk halo selesaun 2400 kuaze apura ona ne’e 70 resin atu kompleta tan de’it ida ne’e nune’e labele halo dispeza barak bele rasiona ita nia meius, ita nian rekursus finanseiru ho ekonómiku, entaun ita foti de’it Timor oan sira ne’ebé apuradu uluk 2400 ne’e,” katak Xefi Estadu
Tuir Falur katak, membru sira tenke halo tan atestadu médiku ida no atestadu médiku ne’e tenke nesesáriu atu nune’e bele konfirma nia moras ka la moras.
Rekrutamentu sira uluk ne’ebé hili tiha ona, la liu ne’e ita selesiona fali numeru 602 fo tan reserva ituan kuandu balun ba halai lakon fali, balun ba la aguenta ita prinse nafatin,” Katak Falur Rate Laek.
Jornalista : Rita Moniz
Editór : Agapito de Deus
