Lafaek News (Likisá)–Kandidatu Prezidente Repúblika períodu 2022/2027 Tenente Jeneral (Reformadu), Tito da Costa Cristovão “Lere Anan Timur” sente hanesan oan kiak iha FRETILIN laran, maibé la kiak ba ema seluk no nunka la mesak.
Lere Anan Timur hato’o lia hirak ne’e konsolidasaun hamtein estrututra baze (22/02/22), iha postu administrativu Bazartete munisipiu, hateten primeiru atu kandidata an la’os hanoin atu avansa independente, maibé hakarak liu husi partidu FRETILIN mak kandidata an, tanba Lere ema FRETILIN dezde 1974 to’o 2022.
Kuandu ha’u avansa maun Lú Olo mós avansa apoiu husi maun Marí hanesan FRETILIN, sira taka ona dalan mai ha’u atu la’o ba oin sai kandidata an ba prezidente repúblika hanesan kandidatu FRETILIN ninian, entaun ha’u bele dehan ha’u sai oan ki’ak iha FRETILIN nia laran,” dehan Lere Anan Timur ba apoiantes sira iha Bazartete Likisá.
Kandidatu Lere esplika, maske iha konstituisaun bandu ema militar labele mete ba partidu no hatais farda jeneral, maibé nafatin ema FRETILIN.
https://lafaeknews.tl/Timor-Laos-Ema-Ida-Nia-Kusta-Lere-Promete-Hakotu-Impase-Politika-Rai-Laran/
Ha’u fiar ha’u nia aan, fiar ba matebian, rai lulik no foho lulik sira, fiar mós forsa no bensaun povu nian apoiu tanba iha mundu ne’e oan ki’ak ida nunka la’o mesak maibé oan ki’ak ida sempre iha maluk atu hamaluk ha’u,’’ katak Lere Anan Timur.
Eis Xefe Estadu Maior Jeneral F-FDTL, hateten atu simu kartaun ka la foti mos nafatin FRETILIN nafatin, tanba FRETILIN dezde uluk la’os foin agora ho kartaun.
Ha’u nia kartaun mak ha’u nia Tailalat iha oin no ha’u nia liman fuan ne’ebe kotu iha funu laran ne’e mak ha’u nia kartaun FRETILIN, no mos ha’u FRETELIN liu sira atus ida maibé sira komesa sokar lia lansa lia falsu, lia bosok hakarak sobu partidu hakarak sobu mós nasaun,” Lere haktuir..
Jornalista :Orlando Magno
Editor : Agapito de Deus
