Lafaek News—Autoridade Protesaun Sivíl rejista uma kain 10 hetan estragus hafoin impaktu husi dezastre naturais.
Dadus ne’ebe fo sai husi Xefe Komunikasaun Autoridade Protesaun Sivíl (APS), Filipe de Sousa, liu husi komferénsia imprensa katak durante semana ida laran komesa husi loron 23 no loron 29 fulan ida ne’e, rejista uma kain 10, hetan estragus husi dezastre naturais iha munisípiu lima.
“Akontesimentu uma kain sanulu ne’e mai husi munisípiu 5, Bobonaru,Oe-kuse, Kovalima, Vikeke no Baukau. desatre naturais ne’e akontese ho tipu rua hanesan ahi han uma no Anin sobu uma, Munisípiu Baukau ahi han uma 1, Bobonaru anin sobu uma 4, Kovalima ahi han uma 1, Raeoa Ahi han uma 1,no munisípiu Vikeke ahi han uma 3,” Filipe de Sousa iforma ba jornalista sira iha salaun Protesaun Sivil Kaikoli, (29/05/2023).
Xefe Komunikasaun Autoridade Protesaun Sivíl ne’e, fundamenta uma kain 10 ne’ebe estragus husi desatre nataruis hetan ona apoiu emerjénsian no ekipa halo ona levantamentu dadus no verifikasaun ba komunidade hodi submete ba protesaun sivil hodi kontinua tau matan.
Tuir dadus husi Autoridade Protesaun Sivil (APS), iha fulan kotuk liubá hetan responde hamutuk uma kain 900 resin, no 700 resin kategoria ba lista no 200 resin hetan apoiu emerjénsia, maibé sei hetan direitu ba rekuperasaun.
Estajiadu : Felix Fernandes
Editór : Agapito de Deus
