Lafaek News—Manajer prinsipal Otel Golgota, Mimi Chuengue, informa preparasaun hodi izola pasiente covid-19 iha Otel Golgota atinje ona porsentu 90, tuir planu iha loron tersa (11/05/2021), entrega ona ba governu.
“Ami nia traballadór sira da-daun ne’e hala’o hela servisu hodi semana oin ami entraga ona ba Governo hodi pasiente COVID19 sira hela ba,” Deklara Mimi ba Lafaek News iha Golgota Mall Sábadu semana ne’e.
Mimi salienta, preparasaun kompleta ona porsentu 90, da-daun ne’e halo hela jardin, fase roupa fatin, parte uma laran nian, tuir tarjetu tenke remata ona iha segunda ne’e,nune’ehadia haris fatin rua kada kuartu hafoin entrega ba governu.
Ótel ne’e sei oferese kuartu 10 kada kuartu kama 16 mak iha laran tanba kurtu luan, kada kuartu haris fatin rua no sentina fatin rua, no traballadór na’in ulau (8) mak sei servisu iha Otél izolamentu, ema na’in hitu (7) tein hodi oferese ba pasiente sira.
“Ótel ne’e ami sei taka portaun iha parte faan ropa nian ne’e no loke deit iha parte estrada nian ne’e, atu nune’e Motorista ambulansia tama lori pasiente sira,” katak nia.
Jornalista : Rita Moniz
Editór : Agapito de Deus
