Lafaek News—Benefisiáriu programa sesta bázika suku Fadabloko postu administrativu Remexiu, munisípiu Aileu kestiona nesesidade bázika ne’ebé fornese husi kompañia Seramor Succesu Suplly,Unipesoal Lda, iha ne’ebé diferénsia aprovasaun husi Konsellu Ministru.
“Ami la aseita ho sasan ne’ebé mak kompañia fahe tanba sasan la to,o $ 50.00 dlr tamba tuir ami hatene katak kada ema ida simu $ 50.00, maibé ami hare fali sasan ne’ebe mak kompañiaa fahe ne’e la to ne’ebé ami husu ba kompañia atu labele kontinua fahe sasan hanesan ne’e ba suku seluk,” benefisiáriu, Abilio de Jesus levanta kestaun hafoin sasán sesta bázika iha suku Fadabloko foin lalais.
Komunidade ne’e akresenta liután, nia parte apresia ho polítika oitavu governu konstitusionál liu husi estabilizasaun programa sesta bázika nu’udar mekanizmu importansia iha rekuprasaun ekonomia.
“Ami agradece ba governu nia programa sesta bazik ne’e maibé,ami la aseita kuantidade ne’ebé mak kompañiaa fo mai ami la to’o $.50.00,” katak nia.
Iha fatin hanesan Xefe suku Fadabloko Marcos da Costa, rekoñese komundade sira kestiona duni sasan ne’ebé kompañia lori mai fahe la to’o dolar 50, ne’ebé deside liu husi Konsellu Ministru.
“Komunidade sira kestiona kona ba sasan ne’ebe mak Kompañiaa SERAMOR SUCCESU SUPLLY,UNIP,LDA lori mai fahe tamba tuir komunidade sira dehan katak hahan hirak ne’e nia folin la to $.50, maibé komunidade sira konsege simu duni, maibé komunidade sira sujere ba kompañia atu labele kontinua lori hahan hirak hanesan ne’e ba fahe tan ba suku seluk,” afirma autoridade suku ne’e.
Entretantu, liga ho kestaun ne’e jornalista lafaek news munisípiu Aileu tenta konfirma ho kompañia distributór sesta bázika ne’e, maibé lakohi fó komentáriu.
Jornalista : Abekha Raihusar
Editór : Agapito de Deus
