Lafaek News—Portavoz Nasionál Nasionál Timor-Leste (PNTL), Superintendente Xefe, Arnaldo Araujo, informa iha semana ida liu ba too ohin rejistu kazu asidente ho insidente iha rai laran hamutuk 60 kompostu husi insidente 44 no asidente 16.
“Hahú husi dia 08-14 janeiru insidente ne’ebé akontese iha rai laran hanesan kazu asaltu malu 11, baku malu 14, tuda malu 3, tuda uma ida, violénsia doméstika 13 ikan lanu ema ida no mos eleteisidade soke nain 1,” lia husi Portavoz PNTL, Arnaldo Araujo ba jornalista iha Kamandu jerál Kaikoli Dili, Kinta (14/01/21).
Portavos ne’e relata, kona-ba akontesimentu eletrisidade soke ema ida ne’e mosu iha loron 12/01/2021, iha tuku 7 dader iha aldeia Tali-Mea suku Lalawa postu administrativu Tilomar munisipiu Kovalima, naran Deniz de Jesus Amaral idade 40 profisaun hanesan profesor iha eskola téknika Akar-Laran Suai, tanba la kuidadu an bainhira hadia eletrisidade iha nia uma.
Arnaldo afirma, labarik ikan lanu Leonel Fernandes tinan 9 mate no nain 9 moras todan akontesimentu iha Lautem iha loron 12/01/2021, maibé ema na’in-9 ne’e lori ona ba ospital referel Lautem hodi halo tratamentu.
Nune’e mos tuir dadus iha loron 30 fula Dezembru 2020 too loron 03 fulan janeiru 2021 PNTL Rejistu kazu iha teriróriu laran tomak hamutuk 78 kompostu husi insidente 62 no asidente hamutuk 16.
Jornaliata : Orlando Magno
Editora : Nelya Barros
