Lafaek News—Ministru Obras Publikas (MOP), Salvador Pires promote sei lori osan tinan fiscal 2021 nian hodi reabilita Estrada kuak hirak iha territóriu Timor Leste.
“Ha’u so bele ko’alia kilometus estradas, hanesan estradas rural 300 kilometrus maka ita atu halo, ne’e ba reabilitasaun ne’ebé ita tau iha fundus infra-estruturas, ba manutensaun sira, rutina periodika iha liña ministeriu,” Ministru Salvador Soares dos Reis Pires, ba jornalista sira hafoin enkontru ho director jeral sira sira iha Novu Turizmu, kinta (13/01/21).
Governante hatutan, preparasaun ba fundus infra-estruturas nian, Ministru Obras Publikas delega ona Vise Minustru Obras Publikas hodi partisipa iha diskusaun KAFI.
“Vise MOP ha’u delega ona korelasaun kompeténsia atu ba tuir diskusaun KAFI, prepara mós ekipa bainhira ba apresent l’os ona ita bele hahú ezekuta projeitu sira ne’e,” nia informa.
Estradas munisípiu iha 240 kilo metrus ne’ebé sei iha hela dezeñu balun ne’ebé atrapallia no balun impede maibé nia parte hare’e katak sei implementa pakote 12 iha tinan ne’e.
“Pakote sanulu resin rua ne’e, bele implementa iha tinan ne’e no husu hela para finaliza ona nia estudu, nia osan ita tau iha fundus infra-estruturas, iha mós pontes sanulu inklui ho ponte komoro mota ulun no mós estrada atu tau alkatraun ne’ebé prosesu aprovizionamentu preparativus,” nia informa.
Tan ne’e, objetivu fundamental husi enkontru ho diretor jerais sira ne’e hodi ko’alia preparativu tomak ho diresaun sira no mós programa autonomo ministeiru obras publikas atu halo preparativu no mós halo avaliasaun ezekusaun 2021 hodi koalia kona-ba nia lakunas no dezafisus.
“Ami hare’e hamutuk para hadia no rezolve atu fasilita ita di’ak liu tan ezekuta ita nia orsamentu jeral estadu 2021 ida ne’e, ita bo’ot sira hatene katak ami iha $240 ital milloes ne’ebé ami presija ezekuta,” dehan ministru.
Governante hatete, pontus importante liu iha diskusaun maka preparativus ba projeitu sira ne’ebé planu atu ezekuta hanesan koordenasaun, verifikasaun karik iha dokumentus ka lakunas no rekejitus balun maka sei falta, tenke hadia no avansa ba anunsiamentu tenderizasaun inklui ko’’alia mós preparativus kontratus no siklus negósiu servisu enfra-estruturas bazikus ne’e rasik.
“Nune’e ami komesa hahu ona nia prosesu atu bele ezekuta, tanba ita hakarak preparativus sedu liu para tinan tomak fiskal ne’e no fulan barak liu atu halo movilizasaun no implementasaun fíziku ne’e iha terrenu, tanba dala barak liu preparativus no lakunas sira ne’e tarde,” nia hakotu.
Jornalista : Pedro de Almeida
Editora : Nelya Barros
