Lafaek News— Porta Polísia Nasionál Timor Lorosa’e (PNTL), Superintendente Xefe Arnaldo Araújo, apela ba komunidade labele tama sai ilegál iha fronteira tanba daudaun ne’e iha nasaun viziñu Indonézia liu-liu iha Kupan-NTT númeru afetadu covid-19 aumenta ba bei-beik.
“Husu ba komunidade, liuliu sira iha liña fronteira, tenki evita ou labele ultrapasa ba nasaun viziñu atu sosa sasán, tanba bele lori moras mai ita Timor,” Portavós PNTL Arnaldo, deklara liuhosi konferénsia imprensa iha sentru formasaun Polísia Komoro-Dili foin lalais ne’e.
Nia reforsa, tanba ne’e komunidade liuliu iha liña fronteira, tenki servisu hamutuk ou koopera nafatin ho polísia, nune’e bele asegura no garante katak kualkér ema labele tama arbiru ita rain tuir dalan ilegál.
Tanba ne’e ikus nia mós husu, alende hamutuk polísia asegura ita ninia liña fronteira, ba komunidade labele haluha nafatin kumpre regulamentu organizasaun saúde múndial ninian, hodi bele hado’ok aan hosi ameasa surtu refere.
Jornalista : Orlando Magno
Editór : Ezequias Tomás
