DILI—Federasaun Basionál Basquetebol Timor Leste, lansa torneiru ho naran taxa Primeira Dama RDTL ho intensaun kampañia indireta programa hapara violénsia hasoru feto no labarik sira.
Prezidente komisaun organizadora ba eventu torneiu basket bola feminina tinan 2020, Madalena de J.C. Pereira Carlos, iha nia diskursu hateten lansamentu torneiru basquetebol ekipa femenina taxa Primeira Dama tanba aseita husi espoza Prezidente Repúblika Timor Leste ne’ebé marka prezensa direta iha iha eventu torneiu refere.
“Tasa primeira dama ba tinan ne’e sai hanesan torneiu dahuluk ne’ebé federasaun basquetebol hamutuk ho patrosinador hala’o, liu-liu iha ámbitu loron feto rural iha Tior Leste no hanesan kampañia indireta ba programa hapara violénsia hasoru labarik sira ne’ebé la’o da-daun,” katak prezidente koisaun organizadora ne’e iha diskursu iha GMT Dili, sesta (11/12).
Prezidente komisaun organizadora ne’e haktuir, Taxa Primeira Dama Torneio Basquetebol Equipa Femenina ba tinan 2020, espoza Prezidente Repúblika, Cidalia Lopes Nobre Mouzinho Guterres hateten katak, eventu Desportu ne’e importante tanba nu’udar kampañia indireta atu hapara violénsia hasoru Feto no labarik iha Timor Leste
“Ho apoiu membru sosiedade empresarial bele sai nu’udar embriaun hodi dada atensaun ba publiku tomak ba modalidade basquetebol iha Timor, maske la facil bainhira buat hotu tenki depende loos de’it ba governu,” prezidente KO ne’e.
Eventu desportu basket bola ne’e sai hanesan torneiu dahuluk ne’ebé federasaun Nasional Basquetebol Timor Leste ho patronsiador hala’o liu liu iha ámbitu komemorasaun loron feto rural iha Timor Leste no mos hanesan kampañia indireta ba programa hapara violensia hasoru no labarik ne’ebé lao dadaun hela.
Iha diskursu Prezidente KO ne’e ko’alia, honra boot mos ba federasaun Nasionál Basquetebol Timor Leste, tanba esposa Presidente Repúblika aseita hanaran Torneio ne’e ho naran Taxa primeira Dama, no mos aseita atu halo lansamentu ba primeira bola ne’ebé asiste hamutuk da-daun, torneio ida ne’e sei oferese Taxa Rotativa Primeira Dama RDTL no iha mos premius ba primeiru lugar too kuartu lugar.
Tan ne’e, aproveita oportunidade ne’e atu informa mos katak, maske iha tempo badak no limitadu, maibe komisaun organizadora konsege regista too horseik dia 10 ekipa femeninas ne’ebé maioria kompostu husi instituisoens publikas ne’ebé revela interesse no entuziasmu atu partisipa iha kompetisaun jogos Taxa Primeira Dama tinan 2020 Iha fatin Dili GMT
Ho orgulho mos hakarak apresenta katak eventu ida ne’e realiza ho apoio tomak husi Empresa Timor Oan LIVRA Sport Apparel , Raya Tex, Raul Lemos, dala ida tan FNBTL hakarak apresia no agradese Senhor Raul Lemos ne’ebé iha mos inisiativa atu desenvolve Desportu liu husi FNBTL
Prezidente Komisaun Organizadora, hatoo agradesimentu boot ba apoiu husi entidades tomak ne’ebé hamutuk iha ne’e sein haluhan destaka importánsia media imprensa tomak ne’ebé kontribui ona ba divulgasaun desde kedaz jornal no iha imprensa eskrita online no mos MedSos seluk.
“No hein katak ita boot sira nia apoiu sei lori susesu ba eventu ida ne’e no mos iha biban sira tuir mai ne’e, ba SEJD ne’ebé tutela desportu modalidades desportiva ami espera katak bele fo orientasaun ba amantes de desportu em jerál katak atu serbisu haburas atividades desportu labele sadere-an los de’it ba governu, obrigada ba SEJD nia apoio moral durante tempu ne’e ba modalidade basquetebol maski durante tinan 2 tiha maka federasaun Nasional Basquetebol kuase desorientado tanba hasoru obstakulos oioin,” diskursu ikus.
Jornalista : Rosa Fernandes
Editora : Nelya Barros