Lafaek News—Diretór Jerál Sekretariu Estadu Formasaun Professional Empregu (SEFOPE), Paulo Alves kompremete SEFOPE sei fó prioridade ba joven na’in 15 ne’ebé antes ne’e hetan kansela husi SEFOPE tanba problema ho medical test no balun viza mate.
“Vagas ruma mosu iha tinan ne’e ka semana ida ne’e hau kompromete ho sira nain sanulu resin lima katak ba tempu oin hau sei fo prioridade ba imi nain hira kanseladu ne’e, sei la tuir teste alista deit sira nia naran maibe sira tenke hadia fila fali atestadu mediku liu liu kona half ID ninian atu nune’e ita boot sira ninia viza ne’e bele prolonga fila-fali” dehan Diretor Jeral SEFOPE ba Lafaek News, iha Salaun Kanosa Baukau, 10/12/2020.
Nia haktuir, traballdor hirak ne’ebé kanseladu orsamentu ne’ebé ba atestadu médiku nian sei trata foun fila-fali, tanba fatin ne’ebé traballdor sira atu servisu ba ketak-ketak.
“Orsamentu ba atestadu médiku ne’e tenke halo foun maske ne’e sira nian trata hotu ona, más bainhira atu ba fali sei halo trata foun, tanba fatin ne’ebé ita nia traballdor sira atu servisu ba ne’e la hanesan patraun mos la hanesan ne’ebé toos ida patraun seluk ida,” katak DJ SEFOPE ne’e.
Entertantu diretór jerál ne’e kompomete sei prioridade liu ba traballdor ne’ebé hetan kanseladu no tinan oin naran 15 ne’e sai lista primeiru iha vagas ne’ebé sei oferese husi Austrália
Jornalista : Anselmo Monteiro
Editora : Nelya Barros
