Lafaek News—Komandante Jerál Polísia Nasionál Timor Leste (PNTL), Faustino da Costa, segunda (25/01), realiza reuniaun hamutuk ho komandu municipal hodi diskute kona-ba implementasaun lei númeru 7/2020 oinsá prevene atividade korrupasaun.
“Esplika ba Komandante sira hotu liu-liu kona-ba artigu relevante liga ba lei ne’ebé servisu polísia nia,” dehan Komandante Jeral PNTL Komisáriu Faustino da Costa ba jornalista iha Komandu Jerál Kaikoli Dili, Segunda, 25/01/2021.
Faustino da Costa informa, ema hotu hatene, lei nú.7/2020 medida prevensaun kombate korrupsaun, tan reuniaun ne’e deside ho komandante munisipiu sira atu relata informasaun hodi evita korrupsaun iha rai laran.
Nune’e mos komandu municipal sira ne’ebé partisipa iha enkontru ne’e mak hanesan, komandante PNTL munisipiu, Komandante Unidade Patrollamentu Fronteira (UPF) Xefe departamentu no xefe gabinete sira.
Jornalista : Orlando Magno
Editora : Nelya Barros
