Lafaek News—Komandante Jerál Polísia Nasionál Timor-Leste (PNTL), Komisáriu Faustino da Costa hatete, inisiu husi estadu emerjénsia ne’e PNTL mós hamosu ona postu polísia balun ne’ebé durante ne’e deskonfia buras ba movimentasaun ilegal.
“Fatin vijilánsia ne’e ita sei tau iha Likisá too parte Maliana nian iha fatin 4 mak ita identifika ona hanesan mos rua iha parte Suai no ida iha Oe-kusse,” dehan Komisáriu Faustino ba jornaliata iha Komandu Jeral PNTL Kaikoli Dili, Segunda (25/01/2021).
Komisariu PNTL fudamenta, sei aumenta tan postu polísia vijilánsia balu iha area ne’ebé identifika hanesan fatin poténsia ba ema atu halo ilegal.
“Ema hotu hatene estadu emerjénsia sei kontinua hela no moras iha rai ketan sa’e makas tan ne’e PNTL tenke kontrola atu abalia konaba Estadu emerjénsia saida mak PNTL preaiza atu hadia no reforsa tan iha future,” Faustino argumenta.
Jornalista : Orlando Magno
Editora : Nelya Barros
