Lafaek News—Ministériu Agrikultór no peska (MAP) sujere komunidade agrikultór utiliza ai-manas ho masin rega da-daun hodi kombate ular peste lakataru militár atu bele salva batar ho hare.
Batar ne’ebe hetan atake husi Ular Lakataru Militar. foto Google.
“Peste ne’ebé ataka hela ita komunidade nia batar iha OJE 2021 ami tau osan ituan deit atu sosa aimoruk atu rega ba ular ne’e tau kala vinte e nove ida kala la too ne’ebé iha diresaun hotu tuur hamutuk ona buka ona solusaun iha tempu badak atu distrubui sasan sira ba iha terenu atu bele resolve peste ida ne’e,”dehan Pedro dos Reis ba Lafaek News Iha Salaun MAP Komoro, (22/01/2021).
Nia afirma, MAP sei esfrosu atu bele buka solusaun ba problema ne’ebé komunidade enfrenta, maibé MAP sujere atu komunidade uza ai-moruk tradisionál hodi prevene molok ai-moruk ne’e distribui ba komunidade sira.
“Ha’u husu ba komunidade tomak atu bele uza ai-moruk tradisionál atu bele prevene peste ida ne’e komunidade bele uza masin ho ai-manas rega dadaun ona hodi hein prosesu tomak hakarak ka lakohi tempu la’o, batar mos funan da-daun ona maibé MAP sei la nonok ba ida ne’e maibé sei tuur hamutuk atu bele buka solusaun,” nia sujere.
Jornalista : Anselmo Monteiro
Editora : Nelya Barros
