Lafaek News—Ministriu Agrikultór no peska (MAP), afirma tinan ne’e orsamentu jeral estadu (OJE) 2021 sei prioritiza liu ba iha setór produsaun hodi hasa’e kresimentu ekonomia iha rai laran.
“MAP nia planu prioridade ba tinan 2021 ne’e atu hasa’e produsaun, tamba ita agora ita hasoru hela sesta bázika sosa produtu lokál agora ita nia produtu la too ne’ebé agora ne’e ami atu hasa’e produsaun la signifika katak atividade sira seluk hotu hotu la la’o,” dehan MAP, Pedro dos Reis ba Lafaek News Iha Salaun MAP Komoro, kinta semana ne’e.
Nia akresenta, governu liu husi Ministériu Agrikultura no Peskas sei investe liu iha setór produtivu, tanba produsaun foos rai laran seidauk nato’on atu bele fahe ba komunidade sira.
“Produsaun sira seluk ne’e diversifikasaun ne’e tenke la’o maibé ita prioridade ne’e tenke no tenke hasa’e ita nia produsaun foos tamba sesta bazika foos rai deit la too no batar ikis, la signika katak produtu sira seluk la importante maibé ita prioridade ba ida ne’ebé volume boot,” Pedro argumenta.
Governu mós iha ona planu atu sosa produsaun rai laran maibé produsaun rai laran seidauk sufisiente atu governu bele sosa komunidade nia produtu sira iha merkadu.
“Ita hotu hotu tenke tau ona atensaun sosa agora atu sosa, maibé atu sosa saida, tenke sosa produsaun, agora produsaun se mak halai ita povu mak tenke iha vontade atu bele halo,” Pedro afirma.
Jornalista : Anselmo Monteiro
Editora : Nelya Barros
