Lafaek News—Vise Pro-reitór 1 Universidade Dili, Francisco Martins, subliña Estadu Emerjénsia da-sanulu ne’e tempu ona atu sériu hodi mobiliza forsa seguransa, saúde, servisu autoridade lokál no joven voluntáriu sira intensifika vijilánsia area fronteira.
“ita hotu hatene katak moras ne’e importadu tanba ne’e tenke rigór iha seguransa. Se ita la halo ida ne’e, Ita dehan kuidadu no salva povu nia vida maibé esforsu ita halo la signifikante quero dizer desizaun hotu-hotu ne’ebé foti la iha valór,” dehan Vice Pro-reitór 1 Fancisco Martins iha nia kna’ar fatin UNDIL foin lalais ne’e.
Observadór polítika ne’e hatutan, desizaun ba extensaun EE ne’e importante tebes. tanba nasaun viziñu komesa masimiza kontrolu iha sira nia komunidade signifika iha ameasas ne’ebé bo’ot, TL nasaun ne’ebé halo baliza ho sira, ninia impaktu boot tebes.
“Ba efetividade implementasaun, ita presiza konsidera oinsá aplikasaun regras EE liu-liu iha forteira. Se ita laiha desizaun fiksu no la konsisténsia maka sei fó risku tebes ba povu ida ne’e, se ita dehan la bele iha movimetasaun iha fronteira entaun presija servisu atendimentu ne’ebé la’o ho rigór no garantidu, labele dehan fronteira taka, maibé ema tama ilegal nafatin iha ne’e hatudu inkonsistensia iha desijaun.
Governu ko’alia ona kona-ba teste masal no vasina masal, di’ak liu tenke haree ida ne’ebé mak efetivu liu, agora da-daun Timor seidauk iha transmisaun lokál di’ak halo vasina ona, maibé dotór sira tenke haree didiak.
Francisco kompara EE ida uluk ho ikus-ikus ne’e hanesan de’it bainhira haree husi movimentasaun iha area fronteira ema kontinua movimentu illegal, ida ne’e kria dúvida públiku katak desizaun ba EE laiha nia efetividade.
“Ita dehan aperta siguransa maibé hare ba númeru rekursus ne’ebé ita aloka ba area risku sira la aumenta singnifika laiha sentidu” konklui nia.
Jornalista : Felisbberto da Costa Fernandes
Editora : Nelya Barros
