Lafaek News-Polisia Nasionál Timor Leste (PNTL) apela ba komunidade hotu iha territóriu Timor-Leste (TL) laran tomak, atu kontinua mantein pás no hakmatek iha ida-idak nia fatin hodi kontribui ba estabilidade iha rai-laran.
“Haree ba situasaun agora daudaun nee ita iha hela situasaun klamidade no Covid-19, tanba nee husu ba ita hotu atu kumpre nafatin distánsia sosiál no uza nafatin maskára,” informa portavóz PNTL, Superintendente Xefe Arnaldo Araújo, ba jornaliata sira liuhosi hosi komferénsia ba imprensa iha Komandu Munisípiu Dili, Tersa,(13/04/2021).
Hodi hatutan, situasaun daudaun ne’e defisil, tanba nee husu atu mantein hakmatek para husik ba ulun-boot sira mak rezolve, tanba nee Komandu Jerál PNTL husu ba komunidade tomak atu servisu hamutuk ho seguransa hodi kria estabilidade iha nasaun ida ne’e.
Nia afirma, daudaun nee membru PNTL mantein seguransa iha terenu hodi asegura seguransa ba situasaun neebé akontese dezde horiseik too ohin loron iha fatin sala Izolamentu Vera-Krús nia oin.
Jornalista : Orlando Magno
Editór : Lino Aparicio
