Lafaek News—Komandante Jerál Polísia Nasionál Timor Leste (PNTL), Komisáriu Faustino da Costa informa, relasiona ho implementasaun désimu Estadu Emerjensia iha rai laran Komandu Jerá orienta ona membru sira bainhira sidadaun balu tama illegal sei kriminaliza.
“Karik sidadaun sira nafatin halo ilegal iha fronteira ita sei kriminaliza hanesan ha’u hato’o beibeik tanba ita halo prosedimentu ho ministériu saéde no Organizasaun Mundiál Saéde (OMS), kona-ba COVID-19 nian,” Komisáriu Faustino ba jornalista iha Otél Tower Fatuhada Dili, Kuarta 03/02/2021.
Nia relata, sidadaun sira ne’ebé iha kuarentina PNTL sei buka no identifika ema ne’ebé tama mai Timor núne’e mos karik ema balu simu sidadaun husi rai liur laiha informasaun imediatu lori ba kuarentina no kada loron ida-idak selu rasik otél.
Komandante ne’e afirma, membru sira iha fronteira tenke duru iha implementasaun karik iha violasaun balu liga ho medida ne’ebé estadu Timor-Leste fo sai katak laiha ona auto-kuarentina sidadaun hotu tenke halo tuir regulamentu ne’e.
“Ba sira ne’ebé viola medida EE bainhira kompleta tiha kuarentina durante loron 14 mak rezultadu teste COVID-19 nian negativu imediatu PNTL nafatin halo prosesu kriminais detein durante oras 72 hodi tuir prosesu,” Komisáriu Faustino esplika.
Iha okaziaun ne’e Komandante Jerál PNTL Komisáriu Faustino da Costa mós hatan ba membru UPF sira nia preokupasaun kona-ba fasilidade balu seidauk sufisiente, tuir nia halo membru UPF sira halo servisu tuir kbiit ne’ebé komandu iha.
“Esforsu ne’ebé ita halo tuir kbiit ne’ebé ita iha tanba la taka dalan katak ita sei nafatin kordena malu ho parte relevante oinsa atu kompleta nesesidade membru sira liu-liu Unidade pratroliamentu Fronteira (UPF),” Nia hakotu.
Jornalista : Orlando Magno
Editora : Nelya Barros
