Lafaek News—Komandante Polísia Tránzitu (POLTRANZ) munisípiu Dili, Domingos Gama, informa hahú husi ínisiu fulan Janeiru too loron 30 PolTranz, rezjistu kazu asidente hamutuk 78.
“Iha fulan janeiru ita rejiatu kazu asidente hamutuk 78 maibe la iha ida mak mate no mos iha kazu asidente ne’e 32 mak vitima ho suspeitu sira rezolve familia sira seluk prosesu hela,” dehan Komandante Tránzitu munisípiu Dili, inspetór xefe Domingos ba jornalista iha nia kna’ar fatin kaikoli Dili, Kuarta 03/02/2021.
Inspektur Domingos afirma, kazu sira seluk ne’ebé la rezolve familia tanba vitima ho suspeitu hakarak lori kazu ne’e nia prosesu to’o tribunal mak rezolve.
“Polisia nia servisu atu rekolla dadus ho faktus tanba ne’e parte seguransa Rodaviariu liu-liu polisia tránzitu haruka sira halo deklarasaun atu nain rua asina tiha ita aneksu ho dokumentu ba asidente nune’e bele arkiva kazu ne’e iha ministériu públiku,”nia esplika.
Domingos dehan, agora komunidade sira maioria mak iha ona konsiénsia, tanba antes implementa lei komunidade barak liu mak halo tuir nia hakarak hanesan la uza kapasete, uza transporte halai ho velosidade makas la tuir velosidade ne’ebé fo sai ona maibé agora maioria mak kumpre ona regulamentu no sinais tránzitu nian.
“ita Kompara kazu asidente iha 2019 ho 2020 ne’e diferente tanba momentu iha 2019 iha mos kazu fatal (mate), hamutuk 26 no iha 2020 kazu fatal hamutuk 19 tanba ne’e hau fiar katak iha tinan ida ne’e kazu fatal sei menus tanba fulan janeiru kazu fatal la iha,” nia deklara.
Nune’e mos tuir dados ne’ebé Lafaek news asesu katak, Hahu husi loron 01-30 fulan janeiru 2021 Polisia tránzitu Munisipiu Dili hatama kuima ba kofre estadu hamutuk $.25.351.
Jornalista : Orlando Magno
Editora : Nelya Barros
