Lafaek News— Ministru Administrasaun Estatal (MAE), Miguel Pereira de Carvalho, kuarta (03/02/21), propoin Programa Movimentu Hafoun Aldeia (PMOHA) ba iha reuniaun Konsellu Ministru nune’e bele lori dezenvolvimentu to’o ba iha baze.
Ministru Presidénsia Konsellu Ministru (MPKM), Fidelis Manuel Leite Magalhães, informa, konsellu ministru rona aprezentasun ida husi MAE kona-ba opsaun polítika lejislativu ba iha projetu ida relativu ho Programa Movimentu Hafoun Aldeia (PMOHA).
“Programa ida ne’e propoin husi MAE, objetivu atu halo ou lori desenvolvimentu to’o aldeia sira insentiva aldeia sira atu bele iha implementa prioridade desnvolvimentu ba aldeia sira rasik,” dehan MPKM, Fidelis Manuel Leite Magalhães, ba jornalista sira husi kompriensa imprensa iha palasio governu, kuarta, (3/02/2021).
Governante hatutan, insentiva ida ne’e esperiénsia husi husi Korea nian, maibé adapta tuir ita nia kontestu rasik, maibé MAE sei submete proposta dekretu governu.
“MAE sei submete proposta dekretu governu ba iha governu no sei hatama fali mai iha MPKM no tuir transisaun normal depois lori fali ba iha deliberasaun konsellu ministru nian, ida nemaka asuntu prinsipal ne’ebé maka konsellu ministru halo,” nia informa.
Jornalista : Etelvina D. Sarmentu
Asiten Editor : Pedro de Almeida
