Lautém-(Lafaek News)—Relasiona akontesimentu iha loron kuarta (27/01/21), ahi han família ida nia uma iha aldeia Sentral Lospalos, munisípiu Lautém hetan ona apoiu emerjénsia husi Kruz Vermella, Sentru Solidariedade Sosiál, família sira ne’ebé servisu iha Inglaterra inklui kompañia.
Nesesidade ne’ebe Alberto Vieira simu husi Sentro solidariedade Sosial Lautem, foto LN CE.
Sasán ne’ebé ahi han mak hanesan, komputador unidade 3, motirizadas unidade 4, inklui sasán uma laran la konsege salva hanesan nesesidade uma laran inklui ropa hatais iha isin lo-loon.
Ho ida ne’e Família vítima hetan hikas apoiu hanesan nesesidade bázika kompostu husi ropa, tripleks, foos, mina no osan atu bele rekonstrui fali uma ne’ebé ahi han ona.
“Ha’u ho oan sira simu ona apoiu husi kompania lokál inklui família sira, agora ha’u harii uma provizóriu ida hodi ha’u nia família hela ba besik kedas iha uma ahi han ne’e, apoiu simu husi sosiál, Kruz vermella, Toko 1 Toko 3, fo ona ajudus uitoan ba ha’u hanesan hahán ho toba fatin sira, ha’u hadia ona uma kiik no keluarga tolu mak iha laran, fatin kloot ba ami kuaze ami ema nain 15 mak hela hamutuk iha uma ne’e susar tebes ba ami, bele karik estadu ajuda maibé ne’e la hatene, oan sira no alin sira iha li’ur ne’ebá ajuda osan ba ha’u tan ne’e ha’u hakarak halo fali rental ne’e tanba husi rental ne’e mak ha’u hetan netik osan ba ha’u nia família nia moris,” katak vítima Alberto foin lalais ne’e.
Alberto iha oan hamutuk na’in 9, maibé nia oan balu seidauk bele eskola, tanba sira nia sasán, tan ne’e sei esforsu kompleta labarik sira material eskola nian nune’e bele ativa hikas eskola.
Entertantu, observasaun lafaek News nota katak família vítima ne’e halo hikas rental ne’ebé ahi han lilu husi material sira ne’ebé kompañia lokál no família sira fó apoiu
Jornalista : CE. Lautém
Ediora : Nelya Barros
