Lafaek News—Xefe aldeia Efaka suku Manleuana, postu administrativu Dom Aleixo, Francisco de Jesus Afonso, afirma programa sesta bázika ne’ebé governu distribui tenke balansu atu ema bele asesu.
“Uma kos joven sira ne’ebé mak la ba foho durante estadu emerjénsia nia laran ami rekolla sira nia naran hodi ba hatama iha ministériu estatál, ministeriu estatal aprova legalidade, entaun sira mos hetan hotu aihan governu ni’an ne’ebé mak oferese ba povo, dehan xefe aldeia Efaca Fransisco de Jesus Afonso iha nia rezidénsia kuarta semana ne’e.
Tuir autoridade lokál ne’e katak dadus ne’ebé submete ba ministériu administrasaun estatál tuir lo-loos joven sira ne’ebé hela iha uma koos labele simu sesta bázika, maibé ema hotu iha direitu hanesan atu simu nesesidade hirak ne’e.
“Ami hatama dadus sra ne’e tuir ministériu sira husu ema joven sira ne’ebé mak koos labele hetan entaun ami mos la brani tanba aprova husi ne’eba ami prontu fó sira sasán tanba sira mos hetan ona direitu atu hetan governu nia aihan Sesta basika,” afirma Xefe aldeia
Joven ne’ebé hela iha uma koos parte aldeia Efaka nian hamutuk ema na’in 40, no ema hirak ne’e balu uma kain balu joven, maibé iha failansu dala ruma uma kos sira mai ho kaben nain oan rua tolu.
“Lista ne’ebé mak ami rekolla hatama hotu ba suku, postu no ministériu estatél dadus ne’e too mai simu de’it familia fen laen oan sira la simu, maibé ami ko’alia ho sira didi’ak sira konsege simu ho di’ak.
Entretantu, total populasaun Efaka ne’ebé simu ona sesta básika bazeia ba visa familia no dadus legais husi MAE nian iha etapa dahuluk total uma kain 87 kompostu husi mane 232 feto 224, no etapa daruak nian total uma kain 88, kompostu husi mane 240 feto 252, no ba faze datoluk nian total uma kain 70 mane 96 feto 68, simu ona sesta básika.
Jornalista : Rita Moniz
Editora : Nelya Barros
