Lafaek News – Komadante Jerál Polísia Nasionál Timor Leste (PNTL), Faustino da Costa, afirma, ligadu komemorasaun loron proklamasaun indepedénsia iha 28 Novembru 2020, seguransa hahú prepara no husu atu kumpri dekretu governu kona-bá medidas prevensaun.
“Ohin akademia polísia hala’o hela enkontru avaliasaun ida, au-mesmu tempu partisipa mós husi komadante munisipiu sira hotu, ida ne’e oinsa atu hare’e kona-ba seguransa ba iha 28 Novembru tantu mós preparasaun ba iha Natal no tinan foun ninian,” dehan Komadante Jerál Polísia Nasional Timor Leste (PNTL), Faustino da Costa, ba jornalista sira, hafoin enkontru ho Primeiru Ministru Taur Matan Ruak, iha palasio governu, segunda, (16/11/2020).
Enkuantu iha komemorasaun ba loron 28 Novembru 2020 ne’e komadante jeral nafatin informa ba entidades sira hotu atu kumpri dekretu governu ne’ebé fó sai kona-bá medidas prevensaun.
“Dekretu governu heteten lolos, ne’ebé alende forsa seguransa no mós ita nia entidades relevantes inportante maka evita nafatin, fasil liu maka bebeik fase liman ho sabaun, tau maskra kuandu asesu ba iha fatin públiku ne’ebé ema barak i depois distansiamentu sosial,” Komjer insforma.
Alende ne’e mós komdante jerál informa, situasaun jeral iha territoriu nasionál la’o di’ak laiha perturabasaun bo’ot ruma ne’ebé akontese, maibe ne’e primeiru ministru (PM) no Ministru Interior (MI), Taur Matan Ruak, mós fó orientasaun katak ida ne’ebé di’ak ona no balun ne’ebé seidauk presija reforsa di’ak liu tan.
Jornalista : Pedro de Almeida
Editora : Nelya Barros
.
