Lafaek News—Primeiru Ministru Taur Matan Ruak, rekomenda ba membru Konsellu Dezenvolvimentu Nasionál Juventude (KNDJ) ne’ebé simu ona pose iha loron segunda (16/11/2020), atu badinas halo servisu hodi integra juventude sira ba iha dezenvolvimentu nasionál.
“Ita bo’ot Sira tenki badinas servisu makas, atu oinsá bele emkuadra no intregra Ita nia joven Sira ba dezenvolvimentu nasaun ida ne’e, no Ita bo’ot sira nia esforsu sei kontribui ba nasaun no ita bo’ot Sira tenki responsabilidade ba ita bo’ot Sira nia an tomak no governu prontu no kontente sei apoiu imi,” dehan Taur Matan Ruak hatoo iha diskursu ba posante sira iha Salaun Auditóriu MF Aitarak-Laran, segunda (16/11/2020).
Hafoin remata jornalista sira mos husu sekretariu estadu Juventude no desportu Abrão Saldanha hodi hateten. Konsellu Dezenvolvimentu Nasionál Joventude nia papél atu promove asaun Juventude nian no buka solusaun ba joven sira.
“Ohin Ita iha serimónia tomada de posse ba membru konsellu dezenvolvimentu nasionál Juventude ne’e orgaun ba koordenasaun husi liña ministeriál sira atu servisu ba Juventude sira no nia papél mak atu promove planu asaun ba degradasaun ba joven sira no akompaña nia implementasaun no estudu ba Juventude sira nian situasaun,”
Nia hatutan membru hirak ne’ebé simu tomada de pose sei ezekuta Planu ba asaun integradu ba Joventude Sira no servisu hamutuk ho lina ministeriál sira hodi buka solusaun ba Joventude Sira nian.
Entretantu membru Konselu Nasionál Dezenvolvimentu Juventude sei asume kna’ar tuir mandatu tinan balu nia laran hodi buka solusaun ba Juventude sira iha dezenvolvimentu nasaun nian.
Jornalista : Etelvina D Sarmento
Editora : Nelya Barros
