Lafaek News—Na’in ba kompañia Flamingo Agora Supermerkadu, Arif Uz Zaman, klarifika relasiona ho publikasaun notísia lafaek news iha loron 10 Novembru 2020, ho títulu kompañia Flamingo la selu saláriu ba sidadaun bangladese ida durante fulan 8 loron 15.
Iha klarifikasaun ne’e na’in ba kompañia Flamingo Agora Supermerkadu ArifUz Zaman klarifika ho karta eskrita simples ne’ebé laiha karimbu no logo kompañia hodi rezeita katak durante fulan 8 loron 15 la selu saláriu ba Nasim Raza Tussar ne’e la loos.
“ Ha’u Arif Uz Zaman hakarak Klarifia sobre Publikasaun ne’ebe fo sai iha dia 10 de Novemvru de 2020 , husi Lafaek News sobre sidadaun banladesh ida ho naran Nasim Raza Tusaar, nune’e hakarak halo klarifikasaun hanesan tuir mai ne’e,” katak Arif Uz Zaman iha karta eskrita ne’ebé Lafaek News asesu iha loron segunda (16/11/2020).
- Lalos katak ha’u la selu nia salariu 8 meses 15 dias no osan overt time.
- Lalos katak ha’u mak abandona nia husi ha’u nia servisu fatin.
- Lalos katak nia hanesan Komputer Operadór, maibe nia mai servisu hanesan manager no akontabilista.
- Lalos katak ha’u nunka ba hasoru iha SEFOPE.
- Lalos katak ha’u nunka ba tuir mediasaun iha Sefope
- Lalos katak ha’u nunka ba defensosi publika hodi halo mediasaun.
- Ha’u Informa ona por eskrita ba polisia imigrasaun sobre nasim Raza Tussar nia estadia iha Timor Leste tanba la hela ona ho ha’u no halai ses ona husi ha’u nia kompania.
- Kompania loke 29 Abril 2019 no taka 15 mei 2020 tanba iha disputa no iha konkordansia atu halo audit iha loron lima nia laran maibe dada to fulan rua resin wainhira audit sedauk remata Nasim Reza Tussar halai ona husi kompania no atu rejolve desputa ne’e ha’u mos hato’o ona keixa ba polisia e processo ne’e dadaun ne’e iha hela prokurador no investigasaun nia laran.
- Ha’u mos la koi atu uza ha’u nia direitu resposta ba publikasaun ne’e maibe tanba buat hotu lao hela iha process onia laran nune ha’u hili dalan nonok hodi hei prosesu lao tuir nia dalan.
- Ha’u hili dalan nonok no lakoi resta iha media tanba ha’u responsta parte kompetente ne’ebe maka investiga hela processo ne’ebe tuir legulamentu legal.
Maka ne’e deit ha’u nia klarifikasaun ba Publikasaun ne’e, bai ta nia kolaborasaun no komperasaun ha’u hato’o agradese wain.
Dili 16 Novembru de 2020, Asina tura Arif Uz Zaman
Observasaun Lafek Ne’es Nota Karta Ne’ebe kompania manda ba Edifisio Lafaek News Balide Dili , karta ne’e rasik laiha karimbu no la numeru Kontaktu husi Kompania no Diresaun Kompania rasik mos la iha tanba ne’e lafaek ne’e kontinua halo Publikasaun tuir kode estika Jornalismu.
