Lautém-(Lafaek News)—Populasaun suku Muapitine postu administrativu Lospalos munisípiu Lautém husu governu liu husi sekretáriu estadu komunikasaun social (SEKOM) programa naroman atu reabilita estadu suku ne’e hodi fasilita agrikultór sira lori produtu asesu ba merkadu.
“Tuir ha’u nia prespektiva nu’udar komunidade ha’u orguliu primeiru ami hasoru malu iha suku mupitine dehan katak programa naroman ba suku, saida mak sira atu halo mós ami seidauk hatene agora sira mai vizita suku hodi dialogu dala haat ona maibé ami seidauk hatene klaru kona ba programa ida ne’e, maibé ami espera katak preokupasaun ami nian liu-liu estrada muapitine nian sira bele rezolve ho lalais, karik orsida udan dalan ne’e ita tauk faila fali tanba sei fulan ba rai dodok hodi prejudika ami assesu ba estrada ne’e tanba agora governu haruka taka ho rai mutin ba estrada ida ne’e.” dehan Frederico da costa ba lafaek News hafoin partisipa diálogu programa naroman ba suku iha Muapitine, sesta semana ne’e.
Hatan ba preokupasaun ne’e, Ssekretáriu Estadu Komunikasaun Sosiál Mericio Juvinal dos Reis Akara, afirma atividade diálogu ne’e hodi fasilita komunidade sira hatoo sira nia preokupasaun ba governu atu sai referénsia ba governu hodi tau iha planu no programa orsamentu kada tinan nian.
“Diálogu sira hanesan ne’e ita simu prokupasaun ita simu mós matenek, diálogu komunitariu ne’e kontinua akontese iha sentru informasaun sira ne’ebé mak SEKOMS establese tiha ona, diálogu ne’e ita konvida membru Governu relevante sira hanesan SEJD ho MOP nian maske ohin sira la marka prezensa iha suku Muapitine maibé ha’u hanesan sekretárie estadu komunikasaun sosial ha’u reprezenta ona sira akumula hotu preokupasaun komunidade sira nian,” Mericio argumenta.
Hodi dehan, Kona-ba estarda ne’ebé komunidade sira prokupa ne’e hahú kedas lansamentu programa naroman ba suku, tanba ne’e governu orientá ona IGE atu ateru estrada ne’e ho provizoriumente hodi fasilita komunidade sira bele asesu, kestaun hadia ne’e depende ba OGE sei la hadia iha 2021 entaun sei muda ba 2022, governu foun mai sei hadia estrada ne’e, maibé IGE ateru estrada ne’e hodi fasilita da-daun komunidade sira.
Jornalista : Elidio Castro
Editora : Nelya Barros
