Lafaek News—Diretór Ezekutivu Pelican Paradise, Jeremiah Chan, afirma katak projetu pelican paradise sei halo renovasaun lisensamentu ambiente tanba konstrusaun sei hala’o tinan ne’e.
“Projetu pelican paradise no Sekretariadu Meiu Ambiente husu ba pelican paradise hodi halo aprezentasaun no molok halo renovasaun ba lisensa ambiental no lisensia ambiental pelican paradise sei expair fulan ne’e nia laran,” direktor ezekutivu Jeremiah hatene ba jornalista iha Timor Plaza, (13/11/2020)
Nia haktuir, lisensiamentu projetu Pelican paradise renovasaun ba tinan rua (2) entre novembru 2020 to’o novembru 2022, no konstrusaun pelican paradise agora da-daun hala’o ona komesa 28 fevereiru, maibé ho covid 19 ne’ebe sai paradu tiha too agora, más sei la’o nafatin.
“Agora prosesu apresiasaun pelican paradise ba fase primeiru husi Fulan agustu halo no komesa konkursu internasional boot hodi halo konstrusaun ba fase primeiru nia no nia prosesu tender sei remata iha Fulan dezembru tinan ne’e no pelican paradise sei halo kontraktu boot ba tinan ida ne’e, projetu konstrusaun pelican paradise porsentu atinje ona 5%, tanba foin da-daun mak hahú no la to fulan ida covid 19 komesa ona ne’ebe ami mos paradu tiha maibe Lao nafatin,” nia dehan.
Total orsamentu ba fase primeiru ba projetu konstrusaun pelican paradise ho montante 100.000.00 Mill no traballador sira ne’ebe servisu iha fase primeiru ho pelican paradise nia komitmentu atu fo servisu ba projetu sektu konstrusaun ba Timor oan mínimu 750 vagas, no iha fase operasional 200 vagas ba servisu.
Jornalista : Aniceto D.S. Dias
Editora : Nelya Barros
