LAFAEK NEWS–Working Women Center Timor Leste (WWCTL), rekomenda empregadores hotu atu respeita inan feton sira ne’ebe hala’o profisaun nu’udar traballador doméstika iha Timor Leste.
Diretora (WWCTL),Ricar Pascoelau hateten durante ne’e traballadór Doméstika barak mak hetan atendimentu ladi’ak husi empregador sira, tan ne’e loron 14 Jullu 2022, nu’udar Loron Mundial ba Traballadór Domestika iha Timor-Leste, nune’e Working Women Center-Timor-Leste husu empregadores atu respeita inan feton sira ne’ebé servisu ho profisaun traballadór doméstika
Iha diferensia boot bainhira ami halo intervensaun ba traballadór doméstika sira nia kondisaun servisu, primeiru ami halo peskisa sira balu ho salariu $50.00 too $80.00 dolar kada fulan, sira mós fulan rua foin simu salariu, Kona ba tratamentu ne’ebé ami hetan informasaun maioria mak patraun halo Fisiku Lae verbal, kona-ba violasaun sexual númeru hira ami labele relatá, tanba sira ne’ebé sai vitima bainhira akontese problema ne’e boot entaun sira lahatene atu ba keisa iha ne’ebé entaun sira hili fila ba munisipiu” dehan Diretora Ricar Pascoela ba Jornalista sira iha Luz Klarita, tersa (14/06/2022).
Tuir dadus WWCTL nia peskiza ba traballadór domestika rejista barak mak mai husi munisípiu Ermera, Aileu no RAEOA ho porsentu 56, bainhira WWCTL halo intervensaun ona ba traballdor doméstika nia kondisaun servisu sei halo aproximasaun ba públiku hasa’e konesimentu atu fo tratamentu ne’ebé dignu ba traballdor doméstika.
Ami nia dadus peskiza porsentu 56 traballu Domestika emigrante husi munisipiu barak liu mak Ermera, Aileu no Raeoa, bainhira ami halo intervensaun ona ba sira nia kondisaun servisu, ami koko halo aproximasaun publika hodi oinsá públiku bele hasa’e koñesementu ba traballadór Domestika hodi sira bele hetan tratamentu ne’ebé dignidade no hetan kondisaun servisu ne’ebé sufisiente no hetan saláriu bazeia ba mínimu mak $115,” Haktuir Diretora WWCTL ne’e.
Iha sorin seluk, Cándida Barros nu’udar traballadora doméstika, haktuir nia parte agradese tebs ba WWCTL, tanba fasilita formasaun ba nia hodi hatene no hetan direitu ne’ebe dignu.
Ami nia atividade nu’udar Traballadór Domestika mak Fase roupa, tein, hamoos uma laran, estrika roupa no hein labarik sira no hetan atendimentu ladun di’ak husi patraun no hetan salariu ladun sufiente ba nia nesesidade, maibé ha’u kontenti bainhira tuir tiha Formasaun iha NGO WWCTL ho ida ne’e sira haruka ha’u ba servisu ho empregador hetan salariu tuir standar Sefope mak $115.00 dolar no hetan tempu deskansa ho ida ne’e halo ha’u kontenti,’’ Dehan Cándida Barros
Estajiada : Zita Menezes
Editor : Agapito de Deus
