Lafaek News–(Manatuto)– loron segunda 13 fulan Juñu 2022, nu’udar loron padroéiru Santu Antonio iha sarani Manatuto hodi selebra missa agradesimentu ba loron istóriku ne’e ba tinan dala 207 iha Manatuto.
Lucinda de Carvalho, hanesan sarani Manatuto sente kontente bainhira selebra loron ne’e, tanba St.Antonio ida ne’ebé milagrosu, no sarani Manatuto sempre halo devosaun ba St.Antonio liu husi devosaun bele iha solusaun no resolve problema no fo sorte ba Manatuto oan sira hotu.
‘’ha’u sente kontente tanba tinan ida ne’e foin selebra fali St.Antonio nia loron,tinan rua kotuk ne’e la komemora tanba covid19 ,entaun ami sarani misa deit iha igreja,hau sempre halo devosaun ba St.Antonio, atu akompanha hau nia servisu no hau nia familia moris iha dame laran.dehan nia iha Manatuto, Ami Sarani manatuto iha dia 1 de junho hatun St.Antonio husi Tronu mai iha Igreja laran, no dia 7 de juñu hahu tama iha suku haat, no dia 10 hahu tama fali ba igreja no kalan rua ami ba reza halo promesa ba St.Antonio no ohin misa agradesimentu ba St.Antonio, no kada tinan ami sempre komemora loron St.Antonio nian,’’ katak Lucinda.
Iha parte seluk Administrador Parokial, Pe.Nelson da Costa Freitas, iha nia omília hateten, husu sarani hotu atu la’o tuir St.Antonio nia ezemplu hodi moris didiak iha vida sarani no moris mos no los hodi haklaken maromak nia liafuan iha mundo raik klaran,.
‘’husu ba St.Antonio nia tulu mai ita iha Manatuto laran,nomos iha rai liur,atu nune’e ba ita nia fiar,atu moris hanesan ema kristaun,sai sidadaun igreja katolika.atu sai santo nee ema hotu bele sai,maibe Santo ida ne’ebé halo milagre ne’e mak defisil tanba,ita nia knaar ida hotu-hotu luta atu moris sai santo,buka ita nia santidade nee perfeito,’’katak Nailulik ne’e.
Ikus liu nailulik ne’e hatoo agradesimentu boot ba Sanari parokia Manatuto ne’ebé selebra festa Amudeus cornel St.Antonio nian, nai Presidente Repúblika nia ekipa tomak, padre sira, autoridade lokál sira, sarani doben ne’ebé mak nai Jesus Kristu hadomi.
Estajiada : Ângela de Carvalho
Editor : Agapito de Deus
