Lafaek News—Sosiedade sívil Timor Lorosa’e HAK, apresia ho Atividade hosi Perma Kultura Timor Lorosa’e (PERMATIL) ne’ebé aproveita rekursu ka rai mamuk hodi kuda ai oan nune’e tempu udan bele konserva be’e.
“Esforsu bo’ot ne’ebé mak di’ak tebes, ita hahú ona halo konservasaun, tanba ne’e ita enkoraja povu sira no komunidade hotu atu hahú ona konserva bee, la’ós de’it konserva bee maibé konserva mós Ailaran tuan sira,” Vise Diretór atúal diretór interinu HAK Sisto dos Santos, ba LafaekNews iha nia Knaar fatin Farol-Dili, kinta (10/12).
Nia afirma, área ne’ebé mamuk, bele kuda ai oan ne’ebé oioin bele konserva bee bainhira udan monu rai.
Hatutan tan, bele halo bee fatin ou Debu barak hanesan PERMATIL halo no hatudu ona daudaun ne’e.
Ikus nia hatete, programa refere mak entidade hotu-hotu halo maka tinan hirak mai sei la susar tan ba bee moos.
“Ida ne’e mak ita halo modelu hanesan ne’e, tinan sanulu mai bele iha ona bee no ita la menus ona ba bee,” hakotu nia
Jornalista : João da Costa Soares
Editór : Ezequias Tomás
