Bobonaru (Lafaek News)—Diretor ezekutivo Permakultura Timor Leste (PERMTIL), Ego Lemos, hasoru malu ho administradór postu administrativu Balibo munisípiu Bobonaru, Rosario Gonçalves, planeia preparasaun ba tinan oin atu halo konservasaun kee bee debu inklui toos eskolar iha aldeia too suku.
“Mai hakarak hasoru malu ho administrador posto adminostrativu Balibo hodi hato planu sira ne’ebé mak durante sira hala’o iha suku no aldeia sira iha Balibo laran,” katak Ego Lemos ba lafaek News iha Balibo foin lalais.
Ego Lemos haktuir kona-ba sorumutu ne’e administradór ne’e pronto simu programa ne’ebé PERMATIL hala’o no sei implementa iha Balibo hanesan ho postu administrative seluk iha Timor Leste.
“Iha sorumutu nee administrador postu balibo pronto simu programa ne’ebé mak PERMATIL hato tinan oin ita bele raliza,” relata Ego Lemos
Iha sorin seluk Administrator posto administrasaun Balibo, Rosario Gonçalves, haktuir kona-ba preparasaun ba kompetisaun ba konservasaun bee ho toos eskolar bele halo ba iha tinan oin.
“Atu nune’e hareee fali ba bee matan ne’ebé dadaun sira kee no tos eskolar ne’ebé mak estuante sira halo hetan duni rezultado ga lae tanba nee mak ita tenki muda ba tinana oin depois ita mos bele haree suku no aldeia ida ne’ebé mak prepasaum másimu iha konservasaun bee nee ho toos eskolar ne’e,” katak administradór postu Balibo.
Hodi dehan, iha tempu udan komunidade sira presiza kee debu barak inklui kuda modo hanesan fore brinzela ho modo seluk.
Sira halo konservasaun di’ak to’o Novembru tinan oin, bele haree aldeia ho suku ida ne’ebé mak hetan dunik bee no kuda dunik modo hetan rezultado di’ak kada eskola no suku hafoin ita bele halo kompetisaun kada aldeia no suku ida ne’ebé mak hetan bee nee no modo di’ak hafoin ita bele fo presente ba sira,” nia hakotu
Jornalista : Etelvina Doutel Sarmento
Editora : Nelya Barros
