Lafaek News—Koordenadór Forsa Tarefas ba Prevensaun no Mitigasaun Surtu Covid-19, Rui Maria de Araújo, informa pasiente ne’ebé pozitivu covid-19, ema na’in 147 rekuperadu, kazu ativu hamutuk 1365 no rejista foun 95.
“Kazu detetatu foun ne’ebé relata iha dia 7 de Maiu de 2021: 95 (iha hotu Dili), husi total kazu detetadu foun ohin: mane 57, feto 38,”Informa Rui Maria de Araújo ba jornalista sira liu husi komunikadu imprensa, Sesta (7/05/2021).
Eis Primeiru Ministru ne’e relata total kazu detetadu foun hamutuk 85, ne’e kompostu husi idade 12 nain 6, idade entre 12 too 59 hamutuk ema nain 86 (95,2%), ho idade 60, 3.
“Husi total kazu detetadu foun ohin, proporsaun kazu sintomátiku hamutuk 11,5%. Proporsaun kazu sintomátiku durante loron 7 nia laran, aumenta husi média 8,8% iha semana 2 liu bá, ba média 15,1% ohin,” dehan nia
Nune’e, total kazu konfirmadu kumulativu iha loron 7 fulan Maiu 2021 (sura husi 21 Marsu 2020), 2965, kazu rekuperadu ne’ebé relata ohin, loron 7 fu;an Maiu 2021 hamutuk 147, total kazu ativu ohin, loron 7 de Maiu 2021 total 1365.
“Iha dia 7 de Maiu de 2021, izolamentu Vera Cruz halo tratamentu ba kazu detetadu nain 37, iha área obstetrisia nain 14, medisina interna nain 18, pediatria nain 5,” Tenik nia
Eis Ministru Saúde ne’e haktuir tan, sira nain 14 iha obstetrisia kategoria moderadu hotu, sira nia kondisaun estável, no sira nain 18 iha medisina interna, 4 grave (uza hotu oksijéniu), nain 14 moderadu, enkuantu husi kazu 5 pediatria, moderadu, 1 grave, nain 1 grave uza CPAP, no 4 moderadu la uza ona oxijéniu.
Jornalista : Sandi Belo
Editór : Agapito de Deus
