OPINIAUN · 7 May 2021 03:29 ·

IMI HOTU MAK AMI  NIA LIDER NO IMI HOTU MAK AMI NIA MAKNORIN NAIN


IMI HOTU MAK AMI  NIA LIDER NO IMI HOTU MAK AMI NIA MAKNORIN NAIN Perbesar

Opiniaun husi ,

Naran kompletu : Silveiro da silva de Arajo ( Rio Araujo)

Pozisaun : Estudante iha Universidade da paz (UNPAZ)

Organizasaun : Forca humanista Timor-Leste (FHTL)

Naturalmente moris iha Mundu ka iha familia ida iha ne’eba iha maknorin nain ida no mos   naksaran ida  atu hatudu dalan no lori o husi ambiente ida ba ambiente seluk  husi nakukun ida ba naroman ida, Maske dala wain sira heuwain ho we’e sulin matan nian ne’ebe Naburut no Naturut maibe ladauk hakerek iha sira ajenda katak to’o ona iha ne’e nafatin heleik ho tristeza ne’ebe sulin ho mata we’en  hafurak ho oin midar hodi nakteneik ho lian kro’at ami isin bele sai rai metan maibe rai metan sei sai Adubus ba imi hotu ho objectivu ida katak ami mate hodi hari’i maibe imi moris kontinua hodi hahi’i no ami iha esperansa katak ami ran sei la sulin laek no ami ruin sei la naklekar lerek maibe ami fiar husi ami ruin no ran sei pinta kores ida ne’ebe nabbilan ba Mundu, No husi kores ne nakfilak ba kores ha’at (4) ne’ebe Metan, Mean, Mutin no Kinu’ur hodi o hanaran Republika Demokratika de Timor-Leste (RDTL).

Lideranca maka ema ne’ebe iha koinesimentu no kapasidade atu influensia ema seluk hodi bele rezulta objectivu ida ne’ebe husi lideranca ida nia hakarak, ba objectivu komum ida, iha nasaun ida, ne’ebe mak helik iha Mundu ida nia le’et hanesan Maromnak nia Obra ida. Husi imi hotu nia matenek no imi hotu nia boa-vontade konsege transforma tia forca ne ba oin tolu (3) ne’ebe hodi hanaran FRENTE ARMADA, FRENTE KLANDESTINA, no FRENTE DIPLOMASIA Imi tun foho sae foho, haku’ur mota tun mota, Biti no Aitahan mak sai imi nia Sumasu no Biti, Ai-tahan no Ai-kulit mak imi nia Ai-han husi tasi ida ba tasi seluk,

 Laloran ida ba laloran seluk husi Nasaun ida ba Nasaun seluk, la sente hamlaha no hamro’ok la sente udan no anin ne’ebe haleu ho Inimigo, Maibe nafatin ho fuan ne’ebe bo’ot nakonu ho Ispiritu NASIONALISMU NO PATRIOTISMU hodi hakerek iha Povu hotu nia fuan husi tilun nia rona katak : HAKARAK KA LAKOI MATE KA MORIS TENKE UKUN RASIK A’AN no mos akompanha ho dadolin murak ida katak maske ita bele mate hotu maibe ita nia klamar nafatin hader hodi fo justika katak ami hakarak ukun raik-a’an Husi ida ne’e nakfila ba Objectivu rua (2) ida mak LIVERTASAUN PATRIA NO IDA SELUK MAK LIVERTASAUN POVU.

HUSI IMI AMI SENTE LIVERDADE

HUSI IMI AMI SENTE UKUN RASIK-A’AN

HUSI IMI AMI KOINESE RDTL

HUSI IMI AMI LOKO-A’AN

HUSI IMI AMI KONTENTE

HUSI IMI AMI OIN MIDAR

HUSI IMI AMI ORGUILU

HUSI IMI AMI HETAN ESPERANSA

HUSI IMI AMI LAO LIVRE

HUSI IMI AMI HAKA’AT MOTA

HUSI IMI AMI HAKA’AT TASI

HUSI IMI AMI LIU FRONTEIRA

HUSI IMI AMI HETAN NAROMAN

HUSI IMI AMI HATENE LE’E

HUSI IMI AMI HATENE HAKEREK

HUSI IMI AMI IHA DIREITU

IMI HOTU MAK AMI NIA MESTRI

IMI HOTU MAK AMI NIA LIURAI FETO NO MANE

IMI HOTU MAK AMI NIA MATADALAN

IMI HOTU MAK AMI NIA LIDERANSA

IMI HOTU MAK AMI NIA SALVASAUN

IMI HOTU MAK AMI NIA SERVIDOR

IMI HOTU MAK AMI NIA LALENO’OK LIVERDADE

IMI HOTU MAK AMI NIA MAUN

IMI HOTU MAK AMI NIA BIN

IMI HOTU MAK AMI NIA AMAN

IMI HOTU MAK AMI NIA INAN

IMI HOTU MAK AMI NIA ASUWAIN

IMI HOTU MAK AMI NIA FORSA.

Maibe Tamba-sa ……….?

IMI SEI KOTUK BA MALU

IMI LAKOI LOLO LIMAN BA MALU

IMI LAKOI KAHE KABAS BA MALU

IMI LAKOI TULA LIKUS NEON

IMI LAKOI HALIBUR LIKUS MATENEK

IMI LAKOI HALIBUR MALU.

Maibe karik ida ne’e mak Demokrasia..? Lae Demokrasia sim, Maibe ita nia Kultura no Lulik sira lakoi ida ne’e, tan Inan doben Timor hakarak ita unidade. Ami hanesan oan, Ami hanesan jerasaun foun, Ami hanesan kontinuador, ami hakarak imi lolo liman ba malu,kahe kaba’as ba malu, no satan Ain tuban hamutuk hodi tuba povu husi nakukun ba naroman, tan imi mak ami nia matadalan, imi mak ami nia esperansa, imi mak ami nia koriujidade, imi mak ami inspirador, imi mak ami nia motivador,imi mak ami nia heroi.

Tamba ne’e ami husu ba……………..

INAN DOBEN TIMOR

HEROI LIVERTASAUN PATRIA NO MATBIASN SIRA HOTU

OAN MANE MESAK JESUS CRISTU

INAN MARIA VIRGEM

Haraik imi nia beran kbi’it no forca, imi nia salvasaun,imi nia bensaun, imi nia guarda, bolu ba, halibur ba, fo matak malirin ba, fo domin ba, atu nune’e ami nia lideransa sira hamutuk ho neon ida no laramn ida atu bele salva o kriasaun povu doben Timor-Leste no o liman fatin inan RDTL ne’ebe helik iha mundu nia le’et.

Hanesan jerasaun foun mai ita hotu refleta iha situasaun atual atu bele sai jerasaun ne’ebe maduru tuir nia situasaun no kondisaun tamba nasaun ida ne’e presija ita hotu nia kolaborasaun no tula likus liman hodi hateten ita nia lideransa sira laos Robo’ot sira henesan umanu iha loron ida sira sei husik hela mundu tuir maromak nia Ajenda tamba ne’e responsabilidade iha ita hotu nia liman hodi hateten tan dala ida katak ‘’ BRANI BA ITA HOTU MORIS DIAK BA JERASAUN TUIR MAI NO MORIS NARUK BA ITA HOTU’’ (SAVE MOTHER LAND).

Hakerek nain Rio Araujo hakarak hato’o obrigado wain ba Leitores sira hotu nia tempo dala ida tan agradece wain.!

                                                                                                ‘’ Rio Araujo”

1,007 Views
Artikel ini telah dibaca 62 kali

badge-check

Editor

Baca Lainnya

Deplesaun “Ozonu’’ no Akesimentu Globál Afeta Ba Tasi Nia Kór.

19 September 2023 - 16:22

Maljestaun Movimentu Veíkulu no Halai Kareta Arbiru: Impaktu ba Seguransa Públika no Dezenvolvimentu Ekonómiku

13 September 2023 - 10:06

Tansa Seidauk Exonerasaun Klamar Fuik Asumi Ona Ministru Defeza?

11 September 2023 - 16:32

SIMBOLU  DOMIN SAI  HANESAN  SENTIDU  KAZAMENTU  TRADISIONAL HODI  HARII  FAMILIA

10 September 2023 - 11:34

Reativa Membru PNTL Reformadu Hafraku Integridade Setor Seguransa

6 September 2023 - 13:03

MUDANSA HAHÚ HUSI ITA – LUTA BA SOSIEDADE INKLUZIVA LA BELE KOTU

4 September 2023 - 14:52

Trending di OPINIAUN