EKONOMIA · 8 May 2021 13:38 ·

 Grupu Haburas Rai Koileta Fore-Rai Toneladas 1,9


 Grupu Haburas Rai Koileta Fore-Rai Toneladas 1,9 Perbesar

Lautém-(Lafaek News)—Grupu Haburas Rai (GHR), sesta (08/05/2021), koileta fore rai besik hektares ida ho kuantidade toneladas 1,9 iha aldeia Makalodo suku Daudere postu administrativu Lautém Munisípiu Lautém.

“Ami halo atividade kuda fore-rai ne’e hetan tulun husi SAPIP no ministériu agrikultura,” katak Agusto ba lafaek news iha hafoin koileta Fore-Rai iha aldeia Makalodo Lautém, sesta semana ne’e.

Xefe Gurupu Haburas Rai Augusto Pires, membru grupu ne’ebé involve iha grupu haburas rai total 13, no servisu hamutuk ho SAPIP inklui ministériu agrikultura hodi dezenvolve oltikultura liu husi kuda fore-rai, nune’e koileta tuir tékniku agrikultura konsege hetan 1,9 toneladas.

Nia dehan, fore-rai ne’e kuda komesa iha fulan Janeiru 18-2011, maski iha difikuldade balu relasaun ho osan husi doador sira, maibé grupu ne’e esforsu ohin loron konsege koileta.

“Ami halo toos no kuda fore-rai ne’e, ami tarde uitoan, tanba osan ne’ebé ami hetan husi doador sira mak tarde, maibé ami esforsu ohin koileta ona fore rai mean hektares ne’e, ami kuda fore rai ne’e fulan 5 ona ohin ita hotu koileta, ami iha grupu haburas rai hamutuk 26 mak halo grupu ne’e ohin hatudu rezultadu di’ak,” katak responsavel grupu agrikultura ne’e.

Iha eventu koileta fore-rai ne’e,  Administradór Munisípiu Lautém Domingos Savio, hateten ba família sira iha aldeia Makalodo katak servisu ne’ebé maka familia sira ne’e halo hanesan servisu ne’ebé di’ak ba nasaun.

“Ida ne’e hanesan ezemplu ba populasaun Munisípiu Lautém iha area agrikultura nian ne’ebé mak parseru sira suporta iha area hortikultura nian ne’e motiva sidadaun hotu oinsá atu kontinua servisu makas ba sustentavel idade ai-han iha Lautém, iha mundu ne’ebé de’it kundu agrikultura fraku nasaun mós fraku entaun, ha’u husu ba parte map tenke akompania bebeik ita nia agrikultor sira oinsá hase ai-han ba komunidade sira.”

Enkuantu iha koileta fore rai mean hektares iha aldeia makalodo suku daudere partisipa direta husi SAPIP ho NGO lokais sira, diretór agrikultura munisípiu Lauté, no xefe suku Daudere.

Jornalista      : Ce Lautem

Editór             : Agapito de Deus

1,145 Views
Artikel ini telah dibaca 48 kali

badge-check

Editor

Baca Lainnya

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Grupu Hortikultura Maudiu II Glenu Fulan 1 Hetan $ 2400, Sosa ona Kareta 2 Ho Uma Luxu 3

22 April 2024 - 15:28

SEKopp Halibur Movimentus Kooperativa Nudar Baze Fundamentu Ekonomia Família

6 April 2024 - 12:44

Fernando Lay Lamenta ho Desizaun DNTT Hapara Motor 3 Roda ho Tum-Tum  

4 April 2024 - 10:41

Trending di EKONOMIA