Lafaek News-(Bobonaro)-Prezidente Autoridade Munisípiu Bobonaro Ernesto de Oliveira Barreto, deklara Istória Balibo Five ne’e la’os ba de’it ba Munisípiu Bobonaro más soin ba istória Timor Leste.
Autoridade munisípiu Bobonaro ne’e hato’o asuntu ne’e ba jornalista sira iha postu administrativu Balibo Munisípiu Bobonaro Sábadu ne’e semana ne’e iha ámbitu komemorasaun Balibo Five bad ala 47 iha postu administrativu Balibo munisípiu Bobonaro, hodi dehan planu atu harii Jardin ida iha Balibo, depende ba orsamentu ne’ebé mak atribui husi governu ba munisípiu.
“Istória Balibo Five ne’e la’os ba de’it ba Munisípiu Bobonaro, maibé ne’e istória ba Timor tomak Planu atu halo Jardin ida iha fatin ida ne’e, maibé depende ba orsamentu ne’ebé mak atribui ba iha Munisípiu,”katak lider municipal ne’e.
Nia haktenik, governu sentrál mos sei tau osan makas mai iha postu administrativu Balibo atu nune’e ba oin ne’e bele dezenvolve fatin istóriku ne’e, halo buat di’ak ruma iha Balibo hanesan istória ba Timor laran tomak.
“Hanesan autoridade ha’u iha planu, maibé planu ami nian ne’e limite, karik 2023 tama ba poder lokal konserteza orsamentu ne’e boot ituan ona, ha’u sei tau prioridade liu ba iha fatin istóriku ida ne’e,” Ernesto afirma.
Nia argumenta, temi Balibo five la’os tur tur-tur temi nia naran Balibo five ne’e mosu, ne’e tanba liu husi funu naruk ida ne’ebé mak jornalista na’in lima fo nia vida ba rai ida ne’e ohin loron komemora loron importante ida ne’e, se sira na’in lima ne’e la mate la hasoru malu iha fatin ne’e.
“Maibé ami mos sei la no nonok, depois de komemora loron ida ne’e ha’u sei tur hamutuk ho ha’u nia tékniku sira atu Ko’alia kona-ba saida mak atu halo iha rai Balibo, ne’e ’e ami ssi propoin ba iha nasionál Tinan sanulu mai tan labele sai fatin hanesan ne’e hela de’it, tanba ida ne’e imajen nasaun nian sei halo buat lubuk ida iha postu administrativu Balibo ne’e.
Entretantu komemorasaun loron fatin istóriku Balibo five ne’e sei komemora iha loron 16 fulan Outubru tinan 2022 ba dala- 47, sei partsispa husi Prezidente Repúblika (PR) José Ramos Horta, Ministru Asuntu Parlamentar no Komunikasaun Sosial( MAPKOMS) Francisco da Costa Jeronímo, Sekretáriu Estadu Komunikasaun Sosial (SEKOMS), Mericio Juvinal dos reis “Akara” no autoridade lokal sira husi munisípiu Bobonaro inklui veteran no joventude loriku aswain sira, eventu istóriku ne’e organiza husi Centro Nacional Chega hamutuk ho Konsellu Imprensa Timor Leste.
Jornalista : Rita Moniz
Editór : Agapito de Deus
