Lafaek Ne’ews—Jestór Otél Golgota,Mimi Chuengue, oferese sala 10 ho kama unidade 160 ba governu hodi atende pasiente covid-19.
Tuir akordu ne’ebé parte entre otél na’in ho governu selebra hamutuk, implementasaun akordu ne’e sei hahú iha loron segunda (12/05/2021), nune’e otel nain mak sei gastu osan hodi atende pasiente sira hafoin governu re-imbolsa tuir konkordansia iha akordu entre parte rua.
“Ohin ne’e ha’u fó formasaun ba Trabailladór Timor oan sira hodi fó servisu ba sira ho saláriu $.150 ba leten atu atende pasiente sira iha sala Izolamentu Golgota,” katak nain ba Otél Golgota, Mimi Chuengue ba lafaek news iha Otél Golgota, Kinta (06/05/2021).
Iha ámbitu formasaun ne’e involve traballadór Timor oan hamutuk 12, iha ne’ebé antes ne’e servisu ona iha otél ne’e, objetivu husi formasaun ne’e rasik atu atende pasiente covid-19 iha segunda semana oin.
“Trabailladór Timor oan ne’ebé tuir fomasaun hodi atende pasiente sira hamutuk ema nain 12,” katak Mimi Chuengue.
Tanba ne’e, iha oportunidade formasaun ne’e otél na’in ne’e husu trabailldór sira katak otél fasilita trabailladór hodi proteze an no kontrola di’ak pasiente sira iha sala izolamentu Golgota.
Tuir konkordánsia husi otél nain sei entrega kuartu 10 kompostu husi kama hamutuk 160, kada kuartu ho estabelesimentu kama 16 maka sei entrega ba governu, iha oras ne’e traballador sira ne’ebe halo hela instalasaun kompostu husi hariis fatin, kama, kuartu inklui meza ho kadeira ne’ebe sei fasilita pasiente sira, enkuantu mall Golgota sei fahe ba parte rua hanesan faan ropa kontinua no parte sorin sei taka metin hodi utiliza ba sala izolamentu.
Jornalista : Acacio Pinto
Editor : Agapito de Deus
