Lafaek News-Relasiona ho populasaun ne’ebé lansa asaun tuda hasoru motorista sira wainhira tula pasiente Covid-19 iha bairu sira, ho nune’e, Diretora Jerál Ministériu Saúde(MS) Odete da silva Viegas, informa, husu komunidade hotu atu tau ida-idak nia konsiénsia atu labele lansa asaun hasoru motorista ambulánsia sira.
“Ida-ne’e mak situasaun ne’ebé mak pesoál saúde liña oin sira sempre hasoru ema nunka haree ba parte pozitivu maibé ema haree liu ba iha parte negativu nian, fila fali ba ema ida-idak nia konsiénsia tanba ita servisu ba rai ida ne’e halo ba povu atu salva moras ida-ne’e husi ita nia povu ida-ne’e,” dehan Diretora Jerál ministériu Saúde(MS) Odete da Silva Viegas, ba Jornalista iha Novo Turismu Kinta Semana ne’e,06/05/2021.
Diretora Jerál ne’e Akresenta, moras ne’e barak mak seidauk fiar, prontu saida mak Knaar saúde sira no parte Ambulánsia sira infrenta sai mós hanesan esperiénsia di’ak ida ba oin bele hadi’a ho nune’e bele koopera di’ak liu tan ho lider komunitáriu liña kordenasaun molok kareta sira tama iha komunidade nia leet.
Odete afirma, ne’e Relasiona ho komunidade ne’ebe mak tuda Ambulánsia bainhira pesoál saúde sira ba foti pasiente Covid-19 iha nia Rezidénsia iha Munisípiu Viqueque foin lalais ne’e.
“Ha’u mós ohin ko’alia ona ho pilar 3, 4,5, 7,8, ita buka atu minimiza problema mak Ambulánsia no seguransa,”tenik Odete.
Entretantu, Atu buka fali kareta sira ne’ebé la’os Ambulánsia mini Bus sira ne’ebé mak Sentru integradu jestaun krize(SIJK) sira prepara atu foti moras, seguransa atu akompaña de’it labele uluk ida-ne’e mós halo komunidade trauma maibé nafatin apoiu husi kotuk, nia Hakotu.
Jornalista : Rita Moniz
Asisten Editór: Egidio Nono
